Qazaqstan • 04 Maýsym, 2019

Qoǵamdyq komıssııa quryldy

798 ret kórsetildi

Qazaqstan Respýblıkasynyń Tuńǵysh Prezıdenti – Elbasy Nur­­sultan Nazarbaev 2017 jyly ótken Dúnıejúzi qazaqtary qu­­ryl­­taıynda elimizdegi qoǵamdyq jańarý aıasynda sheteldegi qa­zaq­­tardy qoldaý maqsatynda qor qurýdy tapsyrǵan bolatyn. Ná­­tı­­jesinde «Otandastar qory» KeAQ quryldy. Keshe uıymnyń al­ǵash­­qy otyrysy ótip, qordyń janynan Qoǵamdyq komıssııa quryldy.

Mańyzdy jıyndy ashyp sóz sóı­legen  «Otandastar qory» KeAQ prezıdenti Nur­taı Ábi­qaev qordyń basty baǵy­ty – Dúnıe­júzi qazaqtary qaýym­dastyǵymen birlesip, álem qazaq­taryn bir shańyraq astyna toptastyrý jáne syrttaǵy qazaq dıasporasy boıynsha elmizde to­lyqqandy memlekettik saıasat­ty qalyptastyrý ekenin atap ótti.

Kelesi kezekte qordyń aldaǵy jumys jospary jaıly baıandama jasaǵan «Otandastar qory» KeAQ vıse-prezıdenti Maǵaýııa Sarbasov myrza búgingi kúni shetel­derdegi qandastarymyz sany 7-8 mıllıondy qurap otyrǵanyn aıtty. «Bul shamamen bar qazaqtyń 30 pa­ıyzy. Sondyqtan da «Otan­dastar qory» KeAQ óz jumy­syn jobalyq keńse forma­tynda qyzmet kórsetýdiń bir­­yń­ǵaı operatory retinde uıym­dastyrady. Sonyń bir salasy – tez arada dıasporalyq saıa­sat baǵdarlamasyn ázirlep, jı­naqtalǵan málimetterdi júıe­lendirip, qosymsha zertteýler júrgizý qajet», dedi ol. 

Ol úshin qazaq dıasporasyn memlekettik qoldaý týraly zań qajet. Estýimizshe ol qujat daıyn­­dalyp jatqan syńaıly. Osy zań negizinde «Qazaq kartasyn» engizý kózdelýde kórinedi. Iаǵnı, bul joba iske assa, sheteldegi baýyr­larymyz Qazaqstan aýma­ǵynda bıznespen aınalysýyna, menshik ıesi bolýyna, zańdy túrde jumysqa turýyna, tegin bilim alýyna, medısınalyq qyz­met júıesin qoldanýǵa tolyq múmkindik týady.

Taǵy bir jańalyq qor janynan «Baılanys-ortalyǵy men qoǵamdyq qabyldaý bólmeleri»  jumysyn bastap ketipti. Mundaǵy maqsat – barlyq aqpardy shoǵyr­landyryp, elge oralǵan nemese oralýshy aǵaıyndarǵa aqpa­rattyq, quqyqtyq keńes berý, qajet jaǵdaıda kómek kór­setý máselesin sheshý. Bul ju­mystar «bir tereze» qaǵıdasy arqyly – Eńbek jáne halyqty áleý­mettik qorǵaý mınıstrligi jáne Ishki ister mınıstrliginiń ju­mystaryn úılestirýmen  iske aspaq. 

Budan bólek «Otandastar qory» KeAQ veb-saıty iske qo­sylyp, sonymen qatar dıas­poralyq saıasatty qoldaý maq­satynda «Keńes» shtaby arqyly ashyq dıalog alańy jáne shetel­degi qazaq jastary úshin «Jas Qazaq» klýby quryl­maq. Bul qurylymnyń min­deti – jas býynǵa qazaqtyń tili men dástúrin úıretý eken. Ony iske asyrýdyń joldary: qashyq­tyqtan ınteraktıvtik synyptar ashý; til úıretýge arnalǵan mobıldy qosymshalar jasaý; qazaqstandyq oqý oryndarymen birlesip qazaq tili muǵalimderine arnalǵan ınternet platforma qurý; metodologııalyq qural ázirleý, t.b.

Kelesi bir irgeli joba – shet­eldegi qazaqtar úshin «Qazaq úui» jáne «Abaı» mádenı orta­lyq­tary, «Atameken» isker­lik úılerin ashý. «Osy arqyly qandastarymyzǵa qazaq ultynyń qadir-qasıetin, salt-dástúrin bo­ıyna sińiremiz», deıdi jıyndy uıymdastyrýshylar.

Aıta bersek áńgime kóp. Munyń bári iske assa shyn máninde dıas­pora saıasatynyń kóshi túzeleri sózsiz. Mysaly, qor «Bıznes jáne ınnovasııalardy damytý» baǵytyn kózdeıtin «Saýda» shtaby arqyly qazaq dıasporasy men qazaqstandyq bıznes ókilderiniń iskerlik baılanys­taryn ornatýǵa yqpal etpekshi. Osy rette: «Otandastar» bıznes ınkýbatory arqyly ulttyq naqyshtaǵy ónim óndirýshilerdi qoldaý; qandastar arasynan daryndy azamattardyń bıznes-ıdeıa­lary men ınvestısııalyq jobalaryna qoldaý kórsetý, t.b.

– Bul jumystar shetelder­de qurylatyn «Atameken» qazaq iskerlik úıi jelisi negi­zinde «Samuryq-Qazyna», «Qazaq týrızm», «Qazaq ınvest», «Atameken» palatasy sııaqty qarjy ınstıtýttarynyń aralasýymen atqarylady, – deıdi Maǵaýııa Qanapııauly. Eń bastysy, joǵaryda atap ótkenimizdeı elimizdegi dıaspora saıasatyn arttyrý maqsatynda Úkimettiń janynan vedomstvoaralyq komıssııa qurylyp, onyń jumysy vıse-premer deńgeıinde qaralmaq.

Joǵaryda aıtyp ótkenimizdeı qordyń negizgi jumys jospary jaıly tolyq maǵlumat alǵan Qoǵamdyq komıssııa músheleri óz­deri­niń pikirlerin bildirdi. «Qazaqstan zańgeri» RQB tór­aǵasy Serik Aqylbaı jańadan qabyl­danýy tıis quqyqtyq qujattardy ýaqyttyq hám zańdyq turǵydan jetildirý úshin dóńgelek ústel ótkizip, taqylaý qajettigin alǵa tarsa, Qazaqstan Jazýshylar odaǵynyń tóraǵasy Ulyq­bek Esdáýlet syrttaǵy qazaq qalam­ger­ler týyndysyn ba­rsha qazaq oqyr­mandaryna ortaq­tas­ty­rý jolyn qarastyrýdy usyndy.

Sol sııaqty óz kezeginde qun­dy oılaryn ortaǵa salǵan Aq­parat jáne qoǵamdyq damý vıse-mınıstri Marat Ázilhanov, bas­­tal­ǵan ıgi iske sáttilik tilese, ta­ny­mal dıplomat Qaırat Lama Sharıf Bilim jáne ǵylym mı­nıstr­ligi elimizdegi JOO-da oqı­tyn dıaspora sanyn 4 myńnan 7 myń­ǵa kótergenin quptap, keler jyly bolatyn Abaıdyń 175 jyl­dyq mereıtoıy shettegi qan­das­tarymyz úshin de ortaq qýa­nysh bolaryna senim bildirdi. Qoǵam­dyq komıssııanyń al­da­ǵy otyrystarda oralmandar­dy qabyl­daýǵa tıis 7 oblystyń daıyndyq sharasyn talqylaýdy usyndy.

Jıyn sońynda elimizge tanymal, ǵalym, qaıratker, depýtat, zańger, kásipker jáne oral­man­dar­ǵa qatysty tirkelgen qoǵamdyq bir­les­tik basshylarynan qurylǵan Qoǵamd­yq komıssııa músheleri óz­derine tóraǵa retinde senator Murat Baqtııarulyn saılady. Jańadan saılanǵan basshy árip­testerine rahmet aıta otyryp, keshik­peı jumys josparyn túzýdi, ási­rese alda qabyldanýy tıis qazaq dıas­porasyn memlekettik qoldaý týra­ly zań jobasyna qatysty tal­qy­laýlar uıymdastyryp, qazir­gi tańda túıini sheshilmeı kele jatqan másele – oralmandardy qu­jat­tandyrý boıynsha Ishki ister mınıstrliginiń jumysyn ońtaılandyrýdy qolǵa alý qajet ekenine toqtaldy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar