«Shara aıasynda Qazaqstannyń 7 dúrkin, álemniń 2 dúrkin chempıony Gınnes rekordtar kitabyna esimi engen otandasymyz Sergeı Syrýlnıkovtyń bastaýymen alyptar toby arnaıy shoý-baǵdarlama usynady. Olar kúsh synasý, shege qaǵý, temir maıystyrý, kir tasyn kóterý boıynsha synǵa túsedi. Orasan kúsh ıeleri sheberlik sabaqtaryn ótkizip, kórermender úshin túrli jarystar uıymdastyrylmaq.
Majarstannan kelgen qonaqtar Andrash Bıronyń jetekshiligimen at ústindegi áskerı oıyndarǵa qatysyp, Býrıat shamany Velıgto Badmaev ystyq taspen alastaý rásimin pash etpek. Oǵan qosa Bashqurtstannan kelgen aıtýly mergender sadaq atý ónerin kórsetse, baýyrlas qyrǵyz topyraǵynan keletin «Salbýýrýn» toby qyran qustar men qumaı tazylardyń kómegimen ań aýlaý sheberligin usynatyn bolady.
Uly dalany dúbirge bólegen aıryqsha etnofestıval 7-8 maýsym kúnderi ótedi. «Bul – Almaty turǵyndary men qonaqtary úshin jármeńkeler men ulttyq oıyndardy tamashalaýdyń taptyrmas múmkindigi», deıdi uıymdastyrýshylar.
