Búginde tótenshelikter oqys oqıǵanyń aldyn alýǵa tyrysady. Ol úshin joǵary órt qaýpi týǵan aımaqtarda keń aýqymdy reıdtik is-sharalar ótkizile bastady.
- Reıdter jaǵajaılarda, ormanda, saıajaı qaýymdastyqtarynda, demalys aımaqtarynda ótkiziledi. Bolǵan órtti sóndirip, úlken shyǵynǵa batqansha, onyń aldyn alǵan ońaı ári arzanǵa túsedi. Reıd kezinde biz zańsyz ot jaǵý faktileriniń aldyn alamyz, órt qaýipsizdigi jóninde keń aýqymdy úgit-nasıhat jumystaryn júrgizemiz, - deıdi Nurlan Seıdahanuly.
Osyndaı reıdtiń birinde Oral qalalyq TJB qyzmetkeri, azamattyq qutqarý salasynyń aǵa leıtenanty Baqtııar Qatshekov Karer sý qoımasynda azamatsha A.Gýbaevanyń bóbegin ajaldan qutqaryp qaldy. Sondaı-aq Tótenshe jaǵdaılar departamenti «Jedel qutqarý jasaǵy» kúshteri tereń sýǵa ketip qala jazdaǵan 2009 jyly týǵan A.Aıtkeshevany aman alyp shyqqan. Budan basqa Oral qalalyq mádenıet jáne demalys saıabaǵynda Shaǵan ózeninde júzý quralyn paıdalaný erejesin buzyp, belgilengen normadan kóp adam otyrǵyzǵan jáne qutqarý quraldarynsyz adam tasymaldaǵan eki shaǵyn kólemdi keme anyqtalyp, kólik quraly ıesine aıyppul salyndy.
Oblys boıynsha tabıǵı órtter men janýdyń aldyn alý jáne sóndirý úshin 2759 adamnan turatyn erikti órtke qarsy 150 top qurylǵan. Eldi mekenderdi 126 sý tasyǵysh, 367 traktor, 366 beıimdelgen tehnıka, 1758 aspaly órt sóndirgish, 119 motopompa jáne 1648 basqa da bastapqy quraldarmen qarýlanǵan jasaqtar qorǵaıdy.
Qazirgi zań talaptary boıynsha qoqysty órteý – ákimshilik quqyq buzýshylyq bolyp sanalady. Jergilikti polısııa basqarmasy men tótenshelikter zańsyz ot jaqqan, qoqys órtegen 93 jeke tulǵaǵa QR ÁQBtK 336-baby boıynsha hattama toltyryp, 4 jeke tulǵaǵa QR ÁQBtK 367-baby boıynsha 47 975 teńge somaǵa aıyppul salypty.
Tilsiz jaýmen betpe bet kelip, tirshilik ıesin qutqarǵan tótenshelikterdiń erligi qoǵam nazarynan tys qalmaǵan. Batys Qazaqstan oblysy ákiminiń orynbasary Ǵabıdolla Ospanqulov Baqtııar Qatshekovke alǵys hat tabys etti.
Batys Qazaqstan oblysynda jasyl jelek – orman tapshy. «Oblystaǵy orman jáne janýarlar dúnıesin qorǵaý jónindegi 8 memlekettik mekemede orman-órt stansııalary ashyldy. Olar órt qaýpi kezeńiniń basynan sońyna deıin qyzmet etedi» deıdi Batys Qazaqstan oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Mahambet Ihsanǵalı.
О́ńirdegi orman sharýashylyǵy mekemeleri memlekettik orman qorynyń sanıtarlyq jaǵdaıyn jaqsartý maqsatynda jyl saıyn qýraǵan aǵashtardy sanıtarlyq kesý sharalaryn júrgizedi. 2018 jyly 446 ga aýmaqtyń 6000 m3 qýraǵan aǵashy kesilse, bıyl jyl basynan beri 170,4 ga aýmaq 1505 m3 qý aǵashtan tazartylǵan.
