Sharaına
Seısenbi, 29 qańtar 2013 7:31
Saıası únqatysýǵa kelisti
Úsh kúnge sozylǵan tártipsizdikterden keıin Egıpet prezıdenti oppozısııamen saıası únqatysýǵa kelisti
Egıpet prezıdenti Mýhammend Mýrsı tártipsizdikterdiń toqtamaýyna baılanysty eldiń úsh provınsııasynda tótenshe jaǵdaı rejimin engizýge májbúr boldy. Burynǵy rejimdi qulatýdyń ekinshi jyldyǵyna týra kelgen narazylyq aksııalaryn ol kontrrevolıýsııa júrgizýge talpynys dep atady.
Seısenbi, 29 qańtar 2013 7:31
Saıası únqatysýǵa kelisti
Úsh kúnge sozylǵan tártipsizdikterden keıin Egıpet prezıdenti oppozısııamen saıası únqatysýǵa kelisti
Egıpet prezıdenti Mýhammend Mýrsı tártipsizdikterdiń toqtamaýyna baılanysty eldiń úsh provınsııasynda tótenshe jaǵdaı rejimin engizýge májbúr boldy. Burynǵy rejimdi qulatýdyń ekinshi jyldyǵyna týra kelgen narazylyq aksııalaryn ol kontrrevolıýsııa júrgizýge talpynys dep atady. Tótenshe jaǵdaıdyń engizilýine jaýap retinde egıpettikter «túngi qydyrys» uıymdastyrdy. Birqatar óńirlerde úsh kúnge sozylǵan tártipsizdik saldarynan ondaǵan adam qaza tapty. Mýrsı óziniń saıası qarsylastaryn turaqtylyq pen qaýipsizdikke qol jetkizý úshin únqatysýǵa shaqyryp otyr.
Tımbýktý qalasyn shabýyldamaq
Malıde úkimet armııasynyń soldattary men fransýz bólimsheleri Tımbýktý baǵytyna qaraı jyljýda. Keıbir málimetterge qaraǵanda, ásker ıslamıster tarapynan eshqandaı qarsylyq kezdestirmeı otyr.
О́tken demalys kúnderi fransýz avıasııasy sodyrlardyń Tımbýktý jáne Gao aýdandaryndaǵy pozısııalaryna ondaǵan soqqylar jasady. Senbi kúni malaı jáne fransýz áskerıleri Gao qalasyn baqylaýǵa aldy. Bamakodan 1,2 shaqyrym jerde ornalasqan Gao Malıdiń soltústigindegi ıslamısterdiń tirek qalasynyń biri bolyp tabylady. Sonymen birge, Chad pen Nıgerdiń áskerı kontıngentteri de jergilikti áýejaıǵa kele bastady. Olar Gao qalasyna baqylaý ornatýy tıis.
Eks-premer es jınaı bastady
Izraılde medısınalyq ortalyq mamandary zertteý barysynda eldiń burynǵy premer-mınıstri Arıel Sharonnyń mıyndaǵy neırondardyń aıtarlyqtaı belsendilik tanyta bastaǵanyn baıqaǵan.
Bul ádettegi testiler bolatyn, biraq onyń nátıjeleri kútkendegiden edáýir ózgeshe bolyp shyqty. Oń kórsetkishterdiń bar ekendigi baıqaldy, dep atap kórsetken Sharonnyń burynǵy kómekshisi Raanan Gıssın. Dárigerler burynǵy premer-mınıstrdiń mıyna eki saǵattyq magnıtti-rezonasty tomografııa jasap, onyń barysynda otbasy músheleriniń fotosýretin oǵan kórsetken. Sondaı-aq, medıkter Sharonnyń mı neırondarynyń reaksııasyn tekserý úshin onyń uly Gıladtyń daýysyn da tyńdatqan. Qorytyndysynda mamandar 2006 jyldan beri komada jatqan eks-premerdiń belgili bir dárejede es jınaý nyshandaryn baıqaǵan.
Iran Eýroodaqqa munaı men gaz satýdy toqtatty
Iran óziniń munaıy men gazyn Eýropaǵa satýdy toqtatty. Iran munaıy men gazyn eksporttaýǵa salynǵan tyıym EO dushpandyq sheshimder qabyldaýyn toqtatqanǵa deıin saqtalmaq.
Irannyń munaıy men gazyn Eýroodaq elderine eksporttaýdy toqtatý Eýropa memleketteri men AQSh-tyń Tegeranǵa qatysty engizgen ekonomıkalyq sanksııalaryna jaýap retinde júzege asyrylyp otyr. Bul týraly Irannyń munaı mınıstrliginiń ókili Alıreza Nıkzad-Rahbar habarlaǵan. Eýroodaq sanksııa engizgenge deıin EO-ǵa ımporttalatyn Iran munaıynyń kólemi búkil el ımportynyń 18 paıyzyn quraǵan edi. Aıta ketý kerek, 21 jeltoqsanda Eýroodaq Iranǵa qatysty sanksııalardyń anaǵurlym qatań paketin qabyldaǵan bolatyn.
Berlýskonı Mýssolınıdi maqtady
Sılvıo Berlýskonı taǵy da daý-janjaldardyń ortasynda qaldy. Bul joly ıtalııalyq saıasatker Mılanda ótken Holokost qurbandaryn eske alý saltanatynda ádepsiz sóz aıtqan kórinedi.
Sılvıo Berlýskonı osy ótken saltanatta Benıto Mýssolını rejimin jáne onyń jeke basyn maqtaǵan. Saıasatkerdiń pikirinshe, onyń el úshin kóp jaqsylyqtar jasaǵany sondaı, onyń evreı halqyn konslagerlerge deportasııalaý týraly buıryǵy sonshalyqty bir mańyzdy qylmys bolyp tabylmaıdy. Osy sózden keıin onyń atyna kóptegen qoǵam jáne saıası qaıratkerler tarapynan syn aıtylsa da, Berlýskonıdiń ázirge keshirim suraýǵa asyǵatyn túri joq.
Hılları Klıntonnyń ekiushty jaýaby
AQSh-tyń memlekettik hatshysy Hılları Klınton 2016 jyly ótetin AQSh prezıdenti saılaýynda óz kandıdatýrasyn prezıdent laýazymyna usyna ma degen jýrnalıster saýalyna jaýap qaıtarmaǵan kórinedi.
Prezıdent Barak Obamamen birge amerıkalyq CBS telearnasyna bergen suhbatynda ol meni jáne prezıdentti bizdiń elimizdi ne kútip turǵany alańdatady. Biz erteń ne bolaryn, aldaǵy jyly ne bolaryn aldyn ala aıta alamyz dep oılamaımyn dep jaýap bergen. Hılları Klınton óziniń áli de memlekettik hatshy ekenin, saıasatqa aralaspaıtynyn aıtyp, ondaı saýaldardy tyńdaǵysy da kelmeıtinin jetkizgen.
Qyz alyp qashqandarǵa jaza qatań
Qyrǵyzstanda áıeldi nekege otyrýǵa májbúrlegeni úshin jazany qataıtty. Soǵan oraı el ókimeti qylmystyq kodekske túzetý engizý týraly zań qabyldaǵan.
Qujatqa sáıkes respýblıkada qyzdy alyp qashyp, erkinen tys nekege turýǵa májbúrlegeni úshin 5 jyldan 7 jylǵa deıin bas bostandyǵynan aıyrý túrinde qylmystyq jaýapkershilik engiziletin bolady. Eger jasy 17-ge tolmaǵan qyzdy nekege májbúrleıtin bolsa «kúıeý bala» 7 jyldan 10 jylǵa deıin bas bostandyǵynan aıyrylýy múmkin.
Internet materıaldary negizinde ázirlendi.
