Jıynnyń ashylýynda sóz alǵan Premer-Mınıstrdiń orynbasary Gúlshara Ábdiqalyqova qonaqtar men qatysýshylardy quttyqtap: «Sıfrly qoǵam men bilim ekonomıkasy bar jańa jahandyq órkenıet týyndaýda jáne bizdiń elimiz osy ýaqyt talaptaryna saı bolýy kerek. Al jastar elimizdiń qazirgi álemdegi básekege qabilettiliginiń negizgi faktory bolýy tıis», dedi. G. Ábdiqalyqova forým magıstraldy ıdeıalar men adamı kapıtaldy damytý jobalaryn ázirleýdiń júıelik alańyna aınalǵanyn atap ótti. Premer-Mınıstrdiń orynbasarynyń aıtýynsha, memlekettik saıasattaǵy basymdyqtardyń biri – bilim berýdi damytý. Qazir kópdeńgeıli júıe jumys isteýde, sondaı-aq zańnamalyq baza jetildirilýde. Údemeli damýdyń birden bir kýási – joǵary oqý oryndary sanynyń 131-ge deıin artýy. Onda 540 myńnan astam stýdent bilim alyp jatyr.
О́z kezeginde sóz alǵan Nazarbaev Ýnıversıtet prezıdenti Shıgeo Katsý búginde bizdiń ózgermeli, kútpegen, kúrdeli jáne bir mándi emes álemde ómir súretinimizdi eske saldy. «Biz sandyq progress, kompıýterlik tehnologııalardy damytý, jasandy ıntellekt, big data dáýirinde ómir súremiz. Jasandy ıntellekt júıesi bir jaǵynan adam resýrstaryn aýystyratyn dáýirde, biraq ekinshi jaǵynan jańa mamandyqtar úshin qajettilik týǵyzady. Álem ózgerip jatyr, sondyqtan bizge, joǵary oqý oryndaryna, stýdentterge bizdiń klıentterimiz retinde usynatyn qyzmetterdi jaqsartý úshin forým taqyrybyna qoıylǵan suraqqa jaýaptardy anyqtaý mańyzdy», dep atap ótti.
