S&P taldaýshylarynyń habarlaýynsha, bank sońǵy úsh jylda óziniń básekelestik ustanymyn aıtarlyqtaı nyǵaıtqan.
"Bizdiń ForteBank reıtıngterin arttyrýymyzdyń sebebi, sońǵy úsh jyl boıynda ekinshi deńgeıli qarjylyq uıym básekelestik ustanymyn birshama nyǵaıtyp úlgerdi. 2018 jyldyń qorytyndysy boıynsha aktıvter kóleminiń naryqtyq úlesi 8 paıyz bolatyn mekeme Qazaqstandaǵy úshinshi iri bank bolyp tabylady. Biz qoldaý kórsetýge daıyn (Bolat О́temuratov) ForteBank tájirıbeli basqarý komandasynyń jáne menshik ıesiniń bolýy jańa da joǵary sapaly bıznesti qurýǵa, ótken kezeńderdegi problemalyq bereshekti tabysty retteýge jáne rentabeldilikti arttyrýǵa yqpal etti dep sanaımyz», - deıdi agenttik ókilderi.
" S&P Global Ratings agenttiginiń reıtıngti "V+" deńgeıine kóterýi bank úshin asa mańyzdy oqıǵa jáne búkil komanda jumysyna berilgen joǵary baǵa dep bilemin. Reıtıngti jaqsartý – Qazaqstandaǵy ForteBank-tiń naryqtyq ustanymdaryn kúsheıtýdiń kezekti kórsetkishi. Sonymen qatar bizdiń tutynýshylarymyzǵa sapaly qyzmet kórsetýdi jalǵastyrýǵa múmkindik beredi.
ForteBank kapıtal jetkiliktiligi men ótimdilik boıynsha jetekshi pozısııalardy saqtaı otyryp, oń qarjylyq nátıjelerdi kórsetedi», - deıdi joǵarydaǵy jańalyqqa oraı ForteBank basqarma tóraǵasy Gýram Andronıkashvılı.
