Sharaına

Senbi, 2 aqpan 2013 7:21

Kandıdattardyń birine qastandyq jasaldy

ErevanqalasynyńortalyǵyndaprezıdenttiksaılaýǵakandıdatretindetirkelgensaıasatkerParýırAırıkıanǵaqastandyqjasaldy.Polısııa­nyńaldynalamálimetteriboıynsha,oǵanTpagrıchnerıkóshe­sin­degiúıinińjanyndaoqatylǵan.

Senbi, 2 aqpan 2013 7:21

Kandıdattardyń birine qastandyq jasaldy

ErevanqalasynyńortalyǵyndaprezıdenttiksaılaýǵakandıdatretindetirkelgensaıasatkerParýırAırıkıanǵaqastandyqjasaldy.Polısııa­nyńaldynalamálimetteriboıynsha,oǵanTpagrıchnerıkóshe­sin­degiúıinińjanyndaoqatylǵan.

Atylǵan oq onyń keýdesine tıgen, ol shuǵyl túrde aýrýhanaǵa jetkizilipti. Jaraqaty ómirine qaýipti emes. «Interfaks» agenttiginiń habarlaýynsha, Armenııa parlamentiniń spıkeri Ovık Abraamıan P.Aırıkıanǵa jasalǵan qastandyqqa baılanysty 18 aqpanǵa taǵaıyndalǵan prezıdenttik saılaý aýystyrylýy múmkin ekendigin málimdegen. «Saılaýdyń merzimin aýystyrý múmkindigin joqqa shyǵarmaımyn. Zańda osyǵan qatysty ereje bar», – depti spıker. Armenııada saılaýaldy naýqany 21 qańtarda bastalǵan edi.

Premer-mınıstrge qatysty daý shyqty

Ispanııa premer-mınıstri Marıano Rahoı jáne onyń úkimetiniń músheleri resmı belgilengen jalaqylaryna qosymsha eldegi jeke kompanııalardan udaıy aqsha alyp kelgen. Bul jóninde «ELPais» gazeti bıliktegi «Halyq partııasynyń» ishki býhgalterlik qujattaryna silteme jasaı otyryp maqala jarııalady.

Býhgalterlik qujatta sheneýnikterge 1990-2008 jyldary kezeńinde tólemder tólengeni kórsetilgen eken. Al premer-mınıstr M.Rahoı 1997 jyldan 2008 jylǵa deıin óziniń resmı jalaqysynan tys jylyna 25 myń eýro alyp otyrypty. Qosymsha aqsha alyp kelgen joǵary qyzmettegi «Halyq partııasynyń» músheleri arasynda partııanyń bas hatshysy Dolores de Kospedal, eldiń burynǵy qarjy mınıstri, kezinde Halyqaralyq valıýta qoryn basqarǵan Radrıgo Rato jáne eks-ishki ister mınıstri Haıme Oreha bar.

Uıyqtaımyn dep ókilettiginen aıyryldy

Reseıdiń Amýr oblystyq sotynyń biliktilik alqasy sot prosesi kezinde uıyqtap ketkeni úshin sýdıa Evgenıı Mahnony sýdıalyq ókilettiginen aıyrdy. Onyń osy «myzǵyp» ketýin dáleldeıtin beınejazba YouTube-ge ornalastyrylǵan edi.

«Novostı» agenttiginiń aqparattaryna qaraǵanda, 40 sekónttik beınejazbany 25 myńnan astam adam qaraǵan. Ony tipti, sheteldik qoldanýshylar da jarııalaǵan eken. Beınejazbada sýdıa mantııa­syn kıgen adamnyń sot prosesi júrip jatqan kezde uıyqtap otyrǵany beınelengen. Sot otyrysyna qatysqan sottalýshy A.Naletov pen onyń qorǵaýshysy beınejazbadaǵy uıyqtap otyrǵan Blagoveshensk qalalyq soty tóraǵasynyń orynbasary Evgenıı Mahno ekenin aıtady. Uıqysynan oıanǵan sýdıa Naletovke bes jyl bas bostandyǵynan aıyrý týraly úkim shyǵarypty.

Josparlanǵan sapar bolmaıtyn sııaqty

AQSh prezıdenti Barak Obamanyń osy jyldyń jazynda Máskeýge josparlaǵan sapary bolmaıtyn sııaqty. «Kommersant» gazetiniń jazýynsha, AQSh pen Reseı ıadrolyq qarýdy qysqartý týraly kelisimge qol  jetkize almady. Osyǵan baılanysty AQSh-tyń memlekettik departamenti saparmen barý jónsiz dep esepteıdi.

Degenmen, AQSh prezıdentiniń qyrkúıekte Sankt-Peterbýrgte ótetin «úlken jıyrmalyqtyń» sammıtine kelýi kútilip otyr. Basylymda atalǵandaı, Barak Obama Máskeýmen qatynasty jaqsartýǵa yntaly. Qazirgi qalyptasqan tyǵyryqtan shyǵýdyń joldary Reseı syrtqy ister mınıstri Sergeı Lavrov pen AQSh vıse-prezıdenti Djo Baıdenniń senbi kúni Mıýnhende bolatyn kelissózderinde qarastyrylady. Sondaı-aq, osy aıda Reseı prezıdenti V.Pýtın men B.Obamanyń keńesshisi T.Donılonnyń kezdesýi josparlanǵan. Kezdesýde Reseı tarapyna zymyranǵa qarsy qorǵanys týraly jańa sharttyń alǵashqy jobasy usynylýy múmkin.

Mehıkodaǵy jarylystyń sebebi ataldy

«Reıter» aqparat agenttiginiń habarlaýynsha, Mehıkodaǵy «Pemex» munaı kompanııasyna qaraıtyn bıik ǵımaratta bolǵan kúshti jarylysqa gaz boılerindegi aqaý sebep bolýy yqtımal. Sońǵy málimetter boıynsha, jarylys saldarynan 25 adam qaza taýyp, 100-den astam adam jaraqat alǵan.

Ǵımarattyń joǵarǵy qabattarynda qamalyp qalǵan adamdar áli de bar, olardyń sany shamamen 30-ǵa jýyq. Jarylys ornynda qutqarýshylar jumys isteýde, tikushaqtar da jumyldyrylǵan. 54 qabattan turatyn ǵımaratta jarylys 31 qańtar kúni jumys ýaqyty aıaqtalar kezde oryn alǵan edi. Jarylystan ǵımarattyń tómengi bóligi kóp zardap shekken. Polıseıler oqıǵa ornynan jarylǵysh zattardyń belgilerin tappady.

10 mıllıon dollar qoldy boldy

Sırııada azamat soǵysy bastalǵaly beri alǵash ret bankti tonaý oqıǵasy tirkeldi. Qylmyskerler Damaskidegi Sırııa halyqaralyq saýda-qarjy bankinen ártúrli valıýtaǵa shaqqanda 10 mıllıon dollardan asatyn aqshany urlap ketken.

Aqparat kózderine qaraǵanda, bank 17 qańtarda tonalǵan. Ol endi ǵana jarııa etilip otyr. Kompanııa ókilderiniń aıtýynsha, tonaý áreketine birneshe adam qatysqan, arasynda osy qarjy mekemesiniń bir qyzmetkeri bar kórinedi. Bul elde soǵys bastalǵaly beri bankomattardy tonaý jıilep ketken eken. Al iri halyqaralyq bankti tonaý oqıǵasy alǵash ret oryn alyp otyr.

Qysqa qaıyryp aıtqanda:

— Keshe Qytaıdyń ortalyq bóligindegi avtokólikter ótetin kópirdiń qulaýy saldarynan kem degende 26 adam qaza tapqan. Qaıǵyly oqıǵaǵa kópir ústimen kele jatqan júk kóligindegi otshashýlardyń jarylýy sebep bolypty.

— Ásire ultshyl toptarǵa jatatyn nemis terrorshysy Beate Chepege 10 adam óltirý jáne 15 tonaý áreketine qatystylyǵyna baılanysty aıyp taǵyldy.

— Damask halyqaralyq áýejaıy mańaıyndaǵy birqatar eldi mekenderge baqylaý ornatqan Sırııa búlikshileri atys qarýymen Irannyń kommersııalyq avıalaınerine oq atqan. Áýe kóligi aıtarlyqtaı zaqymdanǵan joq.

— Grýzııa parlamentiniń depýtaty, respýblıkalyq partııa jetekshileriniń biri Levan Berdzenıshvılı Belarýs prezıdenti Aleksandr Lýkashenkonyń Grýzııaǵa kelmeýi qajettigin málimdedi.

Internet materıaldary negizinde ázirlendi.