Shilde aıynyń ózinde antıvanadaldy qorǵanyspen jáne GPS trekerimen jabdyqtalǵan 300 elektrli samokaty bar 35 stansııany ashý josparlanǵan. Servıske mobıldi qosymsha arqyly qosylýǵa jáne monıtorıng arqyly stansııadaǵy bos turǵan samokattar jóninde málimet alýǵa, karta boıynsha jeke baǵytty belgileýge bolady.
Almatylyq jas startaperlerdiń pikirinshe, elektrli ózdiginen júretin qural qala boıynsha qozǵalysta tanymal, jaıly ári ekologııaǵa esh zalalsyz.
Almatyda qala keńistigin ózgertý, jaıaý júrginshiler men velosıpedshiler úshin kedergisiz orta men ınfraqurylym qalyptastyrý boıynsha júıeli jumystar júrýde, sondyqtan qala ınnovasııalyq bızneske tartymdy bola túsken.
«Álemdik praktıka jalǵa alynǵan elektrli samokatpen júrýdiń uzaqtyǵy 5-7 mınýtty quraıtynyn kórsetti. Keıde ony metro nemese avtobýs beketine barǵansha paıdalanady. Bizdiń «Android» jáne «IOS» qosymshalarymyz arqyly jalǵa alý tólemin bank kartasy arqyly júrgizýge bolady. «OŃAI» kartasy arqyly tóleý josparlanǵan. Jyl aıaǵyna deıin taǵy 500 samokat alatyn bolamyz», - dedi kompanııa dırektory Asylbek Esenov.
Aıta keterligi, qazirgi kezde qalada 100 km baılanysy bar velojoldar salynǵan. Veloprokattyń «AlmatyBike» avtomatty júıesi engizilgen. Italıandyq ınvestısııa esebinen elimizdegi iri «Anytime» karsherıng-servısi iske qosylǵan.
