Sýretshi shyǵarmashylyǵynyń basty baǵyty – peızaj ben natıýrmort. Onyń shyǵarmashylyǵyndaǵy aspan keńistigi, taýlar men sý romantıkalyq sezimge toly. Tabıǵat pen sáýletke degen qushtarlyqty sýretshi óziniń árbir jumysynda tústik palıtra arqyly ǵana emes, aýamen de beredi. Dana Júsipova maıly boıaýǵa qandaı sheber bolsa, akvarelde de asqan sezimtal.
Kartınalary Qazaqstannyń sulý tabıǵatynan, kóbinese bizdiń kóz toımas kórikti taýlarymyzdan alǵan áseriniń kúshimen jazylǵan. «London», «Mılan», «Alma-Arasan shatqaly», «Samal jel», «Juldyzdy aspan», «Venesııa», «Temza jaǵalaýynda», «Úlken Almaty kóli», «Úlken Almaty shyńy», «Londondaǵy Áýlıe Pavel sobory», «Taý tańy», «Kókjaılaý» atty týyndylary men «Aıylqııaqtar» toptamasy sýretshi úshin onyń shyǵarmashylyq jetistikteriniń kórinisi bolmaq. Onyń jumystary jeke kolleksııalarda saqtaýly. Kórmege qoıylǵan týyndylary Dana Júsipovanyń zor shyǵarmashylyq áleýetiniń kishkentaı bólshegin ǵana ashady.
