Alty saǵatqa sozylǵan bıylǵy «Qazaqstan barysy» týrnıriniń fınalyna Shyǵys Qazasqtan oblysynyń eki balýany Aıbek Nuǵymarov pen Erasyl Qajybaev shyqty. О́te tartysty ótken beldesýde Aıbektiń baǵy janyp, ekinshi ret «Qazaqstan barysy» atandy. Al atalǵan jarysqa ekinshi ret qatysyp, ekinshi ret fınalda bas júldeden qol úzip qalǵan Erasyl Qajybaev bıyl da «Kúmis belbeý» ıegeri atandy.
2019 jylǵy «Qazaqstan barysyn» anyqtaıtyn sheshýshi saıystyń aldynda júlde beriletin úshinshi oryn úshin beldesý ótti. Nur-Sultan qalasynyń balýany Aıbek Seıten men Almaty qalasynyń arlany Rýslan Ábdirazaqov arasyndaǵy jekpe-jekte kóp jyldyq təjirıbe óz sózin aıtty. Qos astananyń balýandary kezdesken beldesýde Rýslan Ábdirazaqov ekinshi ret «Qazaqstan barysynyń» qola júldesin ıelendi.
«Qazaqstan barysy» týrnıriniń jeńimpazy men júldegerlerin marapattaý sharasyna Mádenıet jáne sport mınıstri Arystanbek Muhamedıuly, Halyqaralyq qazaq kúresiniń prezıdenti Qanat Bozymbaev, Nur-Sultan qalasynyń ákimi Baqyt Sultanov, Máskeý Olımpıadasynyń chempıony Jaqsylyq Úshkempirov, «Qazaqstan barysy» qazaq kúresin damytý qory qamqorlyq keńesiniń tóraǵasy Arman Shoraev qatysty. 2019 jylǵy «Qazaqstan barysy» Aıbek Nuǵymarovtyń beline «Altyn belbeýdi» Arystanbek Muhamedıuly baılady. Sonymen qatar shyǵysqazaqstandyq balýanǵa «altyn taıtuıaq» pen 25 mıllıon teńgeniń sertıfıkaty tabys etildi. Balýannyń bapkeri de quralaqan qalǵan joq, chempıonnyń jattyqtyrýshysy 3,5 mıllıon teńge syıaqyǵa ıe boldy.
Budan bólek, týrnırde kúmis júldeger atanǵan Erasyl Qajybaevqa «Kúmis belbeý» men 5,5 mıllıon teńge tapsyryldy. Al onyń bapkeri 1,8 mıllıon teńge ıelendi. Úshinshi oryn ıelengen Rýslan Ábdirazaqovqa 1,8 mıllıon teńge, bapkerine 900 myń teńgeniń sertıfıkaty tabystaldy.
