Internet ıirimderi
Beısenbi, 14 aqpan 2013 6:31
Ulybrıtanııanyń úsh jasar turǵyny álemniń ǵulamalaryn artta qaldyrdy
Anglııanyń Gılford qalasynyń úsh jasar turǵyny Alısa Amos joǵary ıntellekt koeffısıentin kórsetken adamdar enetin «Mensa» uıymynyń eń jas múshesi atandy, dep habarlady Daily Mail.
Kishkentaı búldirshinniń IQkórsetkishi tańǵalarlyq – 162. Alısa adamnyń kognıtıvtik, ıaǵnı tanymdyq qabiletterin baǵalaıtyn Stenford-Bıne testin tapsyrǵan. Onyń ishinde jalpy bilim deńgeıi, jady, qorshaǵan ortany qabyldaý qabileti jáne taǵy basqalary synaqtan ótkizilgen.
Baldyrǵannyń kórsetkishi álemge áıgili keıbir ǵalymdar men tarıhı tulǵalardikinen de anaǵurlym joǵary bolyp shyqty. Aqyldy balaqaıdyń kórsetkishteri IQ dárejesi 160 dep boljanyp júrgen salystyrmaly boljal teorııasynyń avtory Albert Eınshteınnen, osy zamanǵy ataqty fızık-teoretık jáne ǵaryshtanýshy Stıven Hokıngten (160), psıhoanalızdiń negizin qalaýshy Zıgmýnd Freıdten (156) asyp túsken. Bul jaǵynan kelgende, Alısa sondaı-aq, AQSh-tyń burynǵy prezıdentteri Avraam Lınkolnnen (128), Bendjamın Franklınnen (160), Bıll Klıntonnan (137) jáne fransýz ımperatory Napoleon Bonaparttan (145) joǵary tur.
Brazılııada aspannan órmekshi jaýdy
Brazılııanyń Santo Antonıo da Platına (Santo Antonio da Platina) qalasynda erekshe tabıǵı qubylys oryn aldy. Aspannan jańbyr ornyna órmekshi jaýdy, dep habarlady «Baq.kz»
Jańbyr jaýǵan sátte aǵashtarda jáne elektr togyn taratýshy symdarda órmekshiler qaptap ketken. Jeksenbi kúni 20 jastaǵy veb-dızaıner Erık Reıs dalaǵa shyqqanda, óz kózine ózi senbegen. Ol aspannan japalaq-japalaq qar sekildi órmekshilerdiń túsip jatqanyn baıqaıdy.
Erık órmekshi jańbyrynyń vıdeosyn YouTube-ke salyp, «Men órmekshilerdiń aspannan túsý sebebin túsine alar emespin. Biraq, endi olarǵa zertteý júrgizip, qorytyndysyn osy jerde taǵy jarııalaıtyn bolamyn» dep jazady. Bir-eki kún ishinde beınematerıal kóptiń nazaryn ózine aýdaryp úlgeripti. Jergilikti bıolog ǵalymdar órmekshi jańbyrynan esh qaýip joq ekenin, biraq, mundaı jaıtter kóp kezdespeıtin qubylys ekenin aıtqan.
Ázirlegen
