Sharaına

Seısenbi, 12 naýryz 2013 6:47

Prezıdenttik saılaý 14 sáýirge taǵaıyndaldy

Venesýelanyń ortalyq saılaý komıssııasy merziminen buryn ótkiziletin prezıdenttik saılaýdy 2013 jyldyń 14 sáýirine taǵaıyndady. El prezıdenti Ýgo Chaves qaıtys bolǵannan keıin Venesýela bıligi prezıdenttik saılaý 30 kún ishinde ótetinin málimdegen bolatyn.

Seısenbi, 12 naýryz 2013 6:47

Prezıdenttik saılaý 14 sáýirge taǵaıyndaldy

Venesýelanyń ortalyq saılaý komıssııasy merziminen buryn ótkiziletin prezıdenttik saılaýdy 2013 jyldyń 14 sáýirine taǵaıyndady. El prezıdenti Ýgo Chaves qaıtys bolǵannan keıin Venesýela bıligi prezıdenttik saılaý 30 kún ishinde ótetinin málimdegen bolatyn.

Prezıdenttik saılaýda bılik partııasy buǵan deıin vıse-prezıdent jáne Ý.Chavestiń aýyryp jatqan kezinde memleket basshysynyń mindetin ýaqytsha atqarǵan Nıkolas Madýrony usynady. Al oppozısııa saılaý taǵaıyndalmaı turyp-aq prezıdenttikke kandıdat etip Mırand shtatynyń gýbernatory Enrık Kaprılesti usynatynyn málimdegen edi. Enrık Kaprıles 2012 jyldyń kúzinde ótken prezı­denttik saılaýǵa túsip, Ýgo Chavesten jeńilis tapqan bolatyn. Osy tus­ta atap óteıik, 8 naýryzda N.Madýro eldiń ýaqytsha prezıdenti re­tinde ant bergen edi.

Depýtat tergeý komıtetine shaqyryldy

«Spravedlıvaıa Rossııa» partııasynan Memlekettik dýmaǵa saılanǵan depýtat Oleg Mıheev endi Reseı tergeý komıtetiniń qyzmetkerleri aldynda jaýap beretin bolady. Bul jóninde keshe «Novostı» aqparat agenttigi habarlady.

Oleg Mıheevten jaýap alý búgin, ıaǵnı 12 naýryzda saǵat 12.00-ge belgilengen. Depýtat memlekettik bılikke jáne ekonomıka salasynda jasaǵan qylmystary úshin tergeýshilerge jaýap bermek. Oǵan Reseı qylmystyq kodeksiniń úsh baby boıynsha aıyp taǵylyp otyr.

Memlekettik dýma 19 aqpanda Bas prokýratýranyń suraý salýymen Mıheevti depýtattyq qol suǵylmaýshylyǵynan aıyrý týraly sheshim qabyldaǵan bolatyn. Derekterge qaraǵanda, Mıheevke Volgograd motorqurylysy zaýytyna tıesili 14 nysandy tartyp alýǵa, «Promsvıazbanktiń» 2 mıllıard rýblden astam qarjysyn ıelenip ketýge árekettengen degen aıyptar taǵylǵan. Munyń syrtynda onyń qazaqstandyq bankterden alǵan 40 mıllıon dollarǵa jýyq qarajaty taǵy bar.

Pákstandyq hrıstıandar sherýge shyqty

О́tken jeksenbi kúni Pákstanda turatyn hrıstıandar sherýge shyǵyp, búlikshil musylmandardan qorǵaýdy talap etti. «Frans-press» aqparat agenttiginiń habarlaýynsha, sherý eldiń birqatar qalalarynda ótken.

Qarsylyq sherýine shyǵýshylar ózderin búlikshil musylmandardan qorǵaýdy talap etýmen qatar, tártipsizdikterdiń aldyn alýda dármensizdik tanytqan polıseılerdi de aıyptaǵan. Hrıstıandardyń bul qarsylyq aksııasy 9 naýryzda Lahor qalasynyń hrıstıandar kvartalynda oryn alǵan oqıǵalarǵa baılanysty bolsa kerek. Osy kúni bolǵan tártipsizdikter kezinde hrıstıandardyń júzden astam úıleri órtenip, ondaǵan dúkender tonalǵan kórinedi.

Qatelik saldarynan eki ret qol qoıdy

Osy jyldyń qańtarynan jalpyhalyqtyq saılaý úderisi boıynsha Chehııa prezıdenti bolyp eldiń burynǵy premer-mınıstri Mılosh Zeman saılanǵan bolatyn. О́ıtkeni, senbi kúni prezıdenttiń ant berý rásiminde Mılosh Zeman mátindegi grammatıkalyq qatelerdiń saldarynan ant berý mátinine eki ret qol qoıýyna týra keldi.

Chehııa parlamentiniń depýtaty, ári palata tóraǵasy Mıroslav Nemsovtyń aıtýynsha, 8 naýryz kúni Chehııanyń jańa prezıdentin ulyqtaý saltanaty ótken. Prezıdent Mılosh Zeman el konstıtýsııasyna oń qolyn qoıyp turyp, ant berý mátinin oqyǵan. Sodan keıin ol mátinge qol qoıǵan. Al mátindegi bir sózdiń sońǵy eki árpi «túsip» qalǵan eken. «Biz bul qatelikti túzettik. Prezıdent myrza Chehııa konstıtýsııalyq soty tóraǵasynyń, senat tóraǵasynyń, úkimet basshysynyń jáne meniń qatysýymmen anttyń túzetilgen mátinine qaıtadan qol qoıdy»,– depti M.Nemsov.

5 trıllıon rýbl jumsalady

Reseıdiń áskerı-teńiz floty 2020 jyldyń sońyna deıin jalpy sany 78 sýústi jáne sýasty kemelerimen tolyǵatyn bolady. Bul jóninde Reseıdiń Qorǵanys mınıstri Sergeı Shoıgý málimdedi.

Mınıstrdiń sózine qaraǵanda, áskerı tehnıkalarmen qamtamasyz etý eldiń memlekettik baǵdarlamasynda qarastyrylǵan. Atalǵan baǵdarlama aıasynda áskerı-teńiz floty segiz strategııalyq atom súńgýir qaıyǵyn, 16 sýasty kemesin jáne ártúrli úlgidegi 54 sýústi kemesin alýy qajet. Reseıdiń 2020 jylǵa deıingi memlekettik qarý-jaraq baǵdarlamasyn júzege asyrýǵa 5 trıllıon rýblge jýyq qarjy jumsaý josparlanyp otyr.

«Talpaq tanaýdyń» ólekseleri tabyldy

Shanhaıdyń negizgi sý arterııasynyń biri – Hýanpý ózeninen 2,2 myńǵa jýyq ólgen shoshqa tabyldy. «Reıter» agenttiginiń habarlaýynsha, osynshama shosh­­­­qanyń ne sebepten ólgeni qazirge belgisiz. Jer­g­i­likti bılik onyń sebep-saldaryn tekserip jatyr.

Keıbir derek kózderi boıynsha, shoshqa ólekseleri Hýanpý ózeni bastaý alatyn Chjeszıan provınsııasynan aǵyp kelýi múmkin. Shoshqalar aýrýǵa shaldyqqan soń, fermerler ózenge tastaǵan degen boljamdar da aıtylýda. Qazirgi kezde qala basshylyǵy ózennen shoshqa ólekselerinen tazartý jumystaryn qolǵa aldy. Qytaıda shoshqa ónimderi aýyl sharýashylyǵynyń negizgi salalarynyń biri bolyp tabylady.

Qysqa qaıyryp aıtqanda:

— Reseı prezıdenti Vladımır Pýtın Soltústik-Batys federal­dyq okrýginiń turaqty ókili etip Vladımır Býlavındi taǵaıyndady. Bu­­­ǵan deıin ol Qaýipsizdik keńesi hatshysynyń orynbasary bolyp istegen.

— Sheteldik buqaralyq aqparat quraldarynyń habarlaýynsha, Qytaı bankterinde KHDR basshysy Kım Chen Yn baqylaý jasaıtyn esep-shottar tabylǵan. Olarda júzdegen mıllıon dollar jatqan sııaqty.

— Keshe erteńgilik Gvıneıanyń soltústigindegi Lae qalasynyń mańynda jer silkinisi boldy. Silkinis qýaty – 6,7 ball. Sýnamı qaýpi joq.

— Armenııada ótken prezıdenttik saılaýda jeńilis tapqan kan­­dı­dattardyń biri – Raffı Ovannısıan ashtyq jarııalady. Ol qaıta saılanǵan S.Sargsıannan saılaý nátıjelerin ózgertýdi talap etýde.

Internet materıaldary negizinde ázirlendi.