Atalǵan bos memlekettik ákimshilik laýazymdarǵa arnalǵan jármeńke 14 maýsym kúni saǵat 19:00-de jastar kóp jınalatyn Arbatta uıymdastyrylmaq.
Túrli toptaǵy azamattar, ásirese, dıplom alǵan jas bitirýshi túlekter men kópten beri jumys izdep júrgen azamattar jáne joǵary jalaqy izdegen mamandar bos memlekettik ákimshilik laýazymdar jármeńkesine kelip, izdegenin taba alady.
Egerde memlekettik laýazymǵa taǵaıyndalmas buryn kásibı tájirıbe men daǵdy qajet bolsa, Departamenttegi «Memlekettik qyzmet mektebi» týraly jáne irikteý kezeńderi boıynsha tolyqqandy aqparat alýǵa bolady.
«Bul retki sharanyń maqsaty - memlekettik qyzmettiń oń ımıdjin qalyptastyrý. Jastarǵa bos memlekettik ákimshilik laýazymdarǵa ornalasý tártibin jan-jaqty túsindirý. Sondaı-aq jastardyń arasynan daryndy jáne bilikti kadrlardy tarta otyryp, qaladaǵy jumyssyzdyq deńgeıin tómendetý», deıdi joba uıymdastyrýshylary.
