Apta fılmi: «Qara kıimdiler»

Búgingi kórkem fılmderdiń sýretkerlik álemin baılanys­tyryp jatqan ortaq taqyryp – álem tynyshtyǵy men ǵalamshar qa­­ýipsizdigi. Bul joly da álem­­dik qaýymdastyqqa qaýip tón­di­rip turǵan tyńshylarǵa qu­pııa agenttikter qarsy tu­ra­dy. Fılm – Loýella Kannın­gem­niń komıkster serııasyna negiz­delgen sheber qurylǵan kom­pozısııasymen-aq kýltke aınal­ǵan «Qara kıimdiler» serııaly fılminiń spın-off nusqasy. Kınotýyndynyń rejısseri – Felıks Gerı Greı bolsa, ssenarııdi Art Markým men Mett Holloýeem jazdy. Basty rólderdi Krıs Hemsýort pen Tessa Tompson oınady. «Kelesi taraýdyń qyzyqty bolatyny sózsiz. Meni adamdardyń basyn biriktiretin dúnıe erekshe shabyttandyrady. Ártúrli salada tabysty bolǵanym ózime jaqsy boldy. Maqsattarym senim bere túsedi. Osyǵan deıingi atqarǵan sharýalarym keleshek josparlarymdy aıqyndap beredi», deıdi rejısser Felıks Gerı Greı basylymdarǵa bergen suhbatynda.

Fılm túsirilimi 2018 jyl­dyń 9 shildesinde Londonda bas­ta­lyp, Marokkoda, Italııada jáne Nıý-Iorkte jalǵasty. Emma Tompson bul joly da agent O rólin qaıta somdap shyq­qan. Al kórneki effektilerdi ja­saý­ǵa Rodeo FX, Sony Pictures Imageworks jáne Method syndy bedeldi stýdııalar atsalysty.