– Prezıdent myrza, Sizben Shanhaı yntymaqtastyq uıymynyń sammıti aıasynda Bishkek qalasynda kezdeskenime qýanyshtymyn. Bizdiń elderimiz yntymaqtastyqta mol tabysqa qol jetkizdi. Aldaǵy ýaqytta ózara yqpaldastyǵymyzdy keńeıtý arqyly budan da jaqsy nátıjeler kútemin, – dedi Qasym-Jomart Toqaev.
Muhammed Ashraf Ǵanı Qasym-Jomart Toqaevqa kezdesýge múmkindik jasaǵanyna rızashylyq bildirdi. Memleket basshysyn prezıdent saılaýyndaǵy jeńisimen jáne Qazaqstan Prezıdenti qyzmetine resmı kirisýimen quttyqtady. Aýǵanstan kóshbasshysy Qazaqstan halqynyń óz tańdaýy arqyly eldiń strategııalyq baǵdarynyń sabaqtastyǵyn tańdaǵanyn atap ótti.
Kezdesý sońynda Qasym-Jomart Toqaev Muhammed Ashraf Ǵanıdyń qyzmetine tabys tiledi.
