Reseptisiz satylǵan dári-dármek kólemi artýda

Komıtet basshysynyń oryn­­basary atap ótkendeı, dári-dármekterdi QR-kod­pen tań­balaý týraly sheshim qanat­qaqty jobanyń qory­tyndysy bo­ıynsha qabyldanatyn bolady.

−Dári-dármekterdi tańbalaý bo­ıynsha Eýroodaq aıasynda bul týraly kelisimge qol qoıylǵan. Biz osy sala­daǵy qaýymdastyqtarmen, «Ata­meken» UKP-men keńese otyryp, dárilik zattardy osylaı tańbalaýdyń qajettili­gin maquldap otyrmyz. Qazir qa­nat­qaq­ty jobany iske asyra bas­tadyq, – dedi N.Asylbekov.

Aıta keterligi, dári-dár­mekterdi QR-kodpen tańbalaýdy Reseı 2020 jyly engizýdi jos­parlap otyr, onda mun­daı qanatqaqty joba úsh jyl boıy júrgizilgen. Al Qazaqstanda ázir­ge ony iske asyrýda týyndap otyrǵan birqatar másele bar.

− Onyń qataryna dári-dár­mekterdiń qymbattaýyn, otan­dyq dári-dármek óndirý­shilerdiń tańbalaıtyn jabdyq­tar­­dy satyp alý qajettigin jatqyzýǵa bo­la­dy. Biz qazir munyń bári birden iske asady dep aıta almaımyz, – dep naq­ty­lady komıtet tóraǵasynyń orynbasary.

Dárilik zatqa QR-kod tir­keýdiń ózin­dik artyq­shy­lyqtary bar. Aldymen dárini óndirý­shiden dıstrıbıýtorǵa, odan dárihanaǵa deıin jetki­zilýin qadaǵalap otyrýǵa múm­kindik týady.

−Jalǵan dáriler jasaý, kont­rafak­tilik oqıǵalar, dári-dármekterdi esepke alý – bul jumystardyń barlyǵyn osy arqyly qamtıtyn bola­myz. Qoımadaǵy kepildik kómek ar­qyly beriletin tegin dári­ler­diń qansha kólemi bar eke­nin, ony bir aýmaqtan ekinshi aýmaq­­qa jiberilýin de dárilerdi tań­­balaýdyń kómegimen qada­ǵa­laıtyn bolamyz, − dedi N.Asylbekov. Onyń aıtýynsha, dárilerdi tańbalaý, eń bastysy, jalǵan dári jasaýdy boldyrmaıdy jáne dárilerdiń sapasy men tıimdiligin arttyrýǵa múmkindik beredi.

Elimizdegi dárihanalarda dári-dármek­terdiń reseptisiz satylýyna qatysty Densaýlyq saqtaý mınıstr­liginiń Taýarlar men kórsetiletin qyzmetter­diń sapasy men qaýipsizdigin baqylaý komıteti 2017 jyly 50 derek tirkese, 2018 jyly mundaı derekter eki esege deıin artyp, 90-ǵa jetken. Olarǵa 20 mln teńgege jýyq kólemde aıyppul salyn­dy. N.Asylbekov bul rette dáriler­di orynsyz qoldanýdyń zııanyn da atap aıtty. Qazir antıbıotıkterge qarsy tózimdilik paıda bolǵandyqtan, em qonbaı, syrqatynan aıyǵa alma­ǵan naýqastar bar. Taýarlar men kór­seti­letin qyzmetterdiń sapasy men qaýip­sizdigin baqy­laý komıtetiniń tór­aıymy Lıýd­mıla Bıýrabekova respýb­lıka dárihanalarynda dárilerdi resep­tisiz satý Densaýlyq saq­taý mınıstr­liginiń jańa talaby emes ekenin, atalǵan ty­ıym salýdyń 15 jyldan astam ýaqyt qoldanylyp kele jat­qanyn jetkizdi.

− Búginde elimizde 7748 dári ataýy tirkelgen, onyń ishinde 6 114 dári dárigerdiń reseptisi bo­ıynsha beriledi, 1634-i resepti­siz satylady, – dedi komı­tet tór­aıymy. Osy rette den­saý­lyq saqtaý mekemelerine resept jazýdyń jeńil formasyn qarastyrý máseleleri týyndap otyr. Reseptilerdi jazý jáne dárihanada preparatty alý rásim­­derin jeńildetý úshin 2020 jyldan bastap mınıstrliktiń aqparattyq júıelerin tolyq elektrondy formatqa kóshirý josparlanýda. «Qaǵazsyz aýrý­hanaǵa» kóshý sheńberinde jekelegen óńirler (Qaraǵandy, Aty­raý, Shyǵys Qazaqstan) reseptilerdi jazyp berý boıyn­sha elektrondy formatqa kósh­ti. DSM aqparatyna sáı­kes, resepti jazyp berýge óki­let­tigi bar, kez kelgen praktı­ka dári­gerleri, onyń ishinde sta­sıo­nar­­lardyń dárigerleri men kezek kúttirmeıtin jedel járdem dári­­gerleri resepti jazyp bere alady.

− Resepti birden úsh aılyq emdelý kýrsyna jazylyp be­riledi jáne 3 aı ishinde jaramdy bolady, − dep túsindirdi L.Bıýrabekova.