Sharaına
Beısenbi, 11 sáýir 2013 1:55
Qytaıdy syn tezine aldy
AQSh senatory Djon Makkeın Qytaıdy Soltústik Koreıaǵa qatysty problemaǵa aralaspaı otyr dep synady. Onyń pikirinshe, Pekın KHDR-ge yqpal etýdiń túrli tetikterine ıe. Buǵan deıin Aq úı Reseı men Qytaıdy KHDR-di tejeýde belsendirek qımyldaýǵa shaqyrǵan bolatyn.
Beısenbi, 11 sáýir 2013 1:55
Qytaıdy syn tezine aldy
AQSh senatory Djon Makkeın Qytaıdy Soltústik Koreıaǵa qatysty problemaǵa aralaspaı otyr dep synady. Onyń pikirinshe, Pekın KHDR-ge yqpal etýdiń túrli tetikterine ıe. Buǵan deıin Aq úı Reseı men Qytaıdy KHDR-di tejeýde belsendirek qımyldaýǵa shaqyrǵan bolatyn.
Senator Soltústik Koreıa basshysy Kım Chen Ynǵa qatysty bylaı dep málimdedi: «Men bul jas jigittiń qandaı oıyn oınap otyrǵanyn túsinbedim. Biraq onyń soǵys shegine jaqyn turǵany anyq». Qazirgi kezde Qytaıdyń ózi de Soltústik Koreıamen aradaǵy shekarasyn japty. Osy aralyqta Ońtústik Koreıa da Reseı men Qytaıdan soltústiktegi kórshisin aqylǵa kelýge shaqyrýdy ótindi.
Asad Túrkııaǵa aıyp taqty
Sırııa prezıdenti Bashar Asad Túrkııa úkimetin lańkester dep atap otyrǵan sırııalyq kóterilisshilerge kómek kórsetýde dep aıyptady. Sırııa prezıdenti Túrkııanyń oppozısııalyq telearnasyndaǵy efırden kóringen bolatyn.
B.Asad Túrkııa premer-mınıstri Redjep Erdoǵanǵa Sırııadaǵy janjal bastalǵaly beri bir aýyz shyn sóz aıtqan joq degen kiná artty. Sırııa prezıdentiniń pikirinshe, Túrkııa lańkester ekenin bile tura kóterilisshilerge qoldaý kórsetip keledi. Sondaı-aq, B.Asad Sırııa rejimi qulaǵan jaǵdaıda munyń keri búkil óńirge keletinin atap ótti. BUU-nyń baǵalaýy boıynsha, qarýly qaqtyǵys bastalǵan sátten beri elde 70 myńdaı adam kóz jumsa, bosqyndar sany 1 mıllıonnan astam adamdy quraıdy.
Iran aza tutyp jatyr
Keshe tańerteń Iranda sońǵy eki kúnde ekinshi márte jer silkinisi tirkeldi. Qazirgi kezde belgilisi – 37 adam opat bolsa, 850-i jaralanǵan. Seısmologtardyń habarlaǵanyndaı, jer silkinisiniń epısentri Irannyń Býsher provınsııasynyń ákimshilik ortalyǵynan 94 shaqyrym jerde bolǵan.
Eske sala ketsek, alǵashqy jer asty dúmpýleri 9 sáýirde Irandaǵy Býsher AES-ine taıaý jerde oryn alǵan edi. Jer silkinisiniń magnıtýdasy 6,3 ball bolsa, ol tipti Parsy shyǵanaǵynyń kelesi jaǵalaýynda ornalasqan Birikken Arab Ámirlikterinde de sezilgen. Qazirgi kezde Reseı delegasııasy Býsherdegi AES-tiń jaǵdaıyn baqylaýlaryna alǵan. Tekserý úshin arnaıy komıssııa qurylǵan. BUU Bas hatshysy Pan Gı Mýn kez kelgen qajetti halyqaralyq qoldaýǵa daıyn ekenin bildirdi.
Gýantanamony jabýǵa shaqyrdy
BUU-nyń Adam quqyqtary jónindegi joǵarǵy komıssary Navı Pıllaı Amerıka parlamentiniń barlyq tarmaqtaryn Gýantanamodaǵy túrmeni jabý úshin kúsh biriktirýge shaqyrdy. Ol túrmede halyqaralyq quqyq normalary buzylyp kele jatqanyn atap kórsetti.
Osydan tórt jyl buryn Pıllaı AQSh prezıdenti Barak Obamanyń Amerıkanyń Kýbadaǵy áskerı bazasy aýmaǵynda ornalasqan túrmeni jabamyn degen ýádesin quptap qýattaǵan bolatyn. Biraq, qazirgi kezde ol bul baǵytta eshteńe ózgermegenine qapaly kórinedi. Pıllaı atap ótkendeı, jaqynda oryn alǵan ashtyq jarııalaý tutqyndardyń tózimi taýsylǵanyn bildiredi. Lańkestikke qatysy bar dep aıyp taǵylǵan 160 kúdiktiniń keıbiri Gýantanamoda 10 jyldan astam ýaqyttan beri otyr.
Máskeý bıýdjetine aýyr salmaq
Bıylǵy qarly qys Máskeý bıýdjetine qosymsha 1,2 mlrd. rýbl salmaq saldy. Bul jóninde Máskeý qalalyq dýmasy bıýdjet-qarjy komıssııasynyń tóraǵasy Igor Antonov málimdedi. Al qosymsha qarjy negizinen qar shyǵarý, kóshelerdi qardan tazalaý maqsatynda jumsalǵan.
Endi Máskeýdiń 2013 jylǵy bıýdjetin qaıta qaraý qajettigi týyndap otyr. Bıýdjetke túzetýler, tutastaı alǵanda, Máskeý shyǵynyn ústimizdegi jyly taǵy 87 mlrd. rýblge ulǵaıtyp, onyń jalpy somasyn 1,805 trıllıon rýblge jetkizýdi kózdeıdi. Osy jerde aıta ketetin bir jáıt – Máskeý men Máskeý oblysynyń Gıdrometeobıýrosy 2012-2013 jyldarǵy qysta jaýǵan qar kólemi jóninen meteobaqylaý júrgizile bastaǵan 1879 jyldan beri alǵash ret rekordty bolǵanyn, ıaǵnı 329 sm qar túskenin jarııalaǵan edi. Al qalypty norma – 152 sm.
Bir jynysty neke zańdastyryldy
Fransııa Senaty bir jynysty nekeni zańdastyrý týraly zań jobasynyń birinshi babyn maquldady. Atap ótilgenindeı, jańa normany jaqtap 179 senator óz daýystaryn berse, 157-si qarsylyq tanytqan. Atalǵan bap parlamenttiń tómengi palatasy – Ulttyq assambleıadan túsken túrinde eshqandaı túzetýsiz qabyldanǵan.
Maquldanǵan birinshi bap bir jynystylardyń nekege turýlaryn quqyqtyq turǵydan bekitedi. Jaqyn kúnderi Senatta qujattyń basqa baptary boıynsha talqylaýlar ótetin bolady. Ol baptar, atap aıtqanda, bir jynysty juptardyń balalar asyrap alý tártibin belgileıdi. Sóz retinde aıta ketsek, Fransııanyń Ulttyq assambleıasy bir jynysty nekeni zańdastyrýǵa jáne bala asyrap alýlaryna qatysty zań jobasyn ústimizdegi jylǵy aqpannyń basynda maquldaǵan edi.
Qysqa qaıyryp aıtqanda:
AQSh prezıdenti Barak Obama ıslam sodyrlaryna qarsy soǵysyp jatqan Somalı úkimetine áskerı kómek kórsetýge daıyn ekenin málimdedi. Obamanyń sózine qaraǵanda, áskerı kómek óńirde beıbitshilik ornatýǵa jáne Amerıkanyń qaýipsizdigin nyǵaıtýǵa kómektesedi.
Reseı Qorǵanys mınıstrligi jańa radıoelektrondy jer serigi baqylaý júıesin qurý úshin shamamen 70 mlrd. rýbl shyǵyndaıtyn boldy. Bes ǵarysh apparatynan turatyn júıeni jasaýǵa jarııalanǵan konkýrsty Lavochkın atyndaǵy ǵylymı-óndiristik birlestigi jeńip aldy.
Malaızııa parlamentine kezekten tys saılaý 5 mamyrǵa belgilendi. Úmitkerlerdiń tirkeletin sońǵy kúni 20 sáýir delinip otyr. Budan keıin saılaýaldy básekeleri bastalady. El premer-mınıstri Nadjıb Razak parlamentti taratatynyn 3 sáýirde jarııalaǵan-tyn.
Germanııa men Avstrııa shekarasynda 27 jastaǵy nemis azamatynan Reseı prezıdenti Vladımır Pýtınniń atyndaǵy júrgizýshi kýáligi kámpeskelendi. Aty-jóni aıtylmaıtyn nemis azamaty júrgizýshi kýáligin Reseıdegi bazarlardyń birinen satyp alǵan kórinedi. Qylmystyq nıeti joqtyqtan, ol qylmystyq jaýapkershilikke tartylmaıtyn boldy.
Internet materıaldary negizinde ázirlendi.
