Kúrshim aýdanynda jalǵyzbasty, kópbalaly analardy, múmkindigi shekteýli, muqtaj jandardy qoldaýǵa arnalǵan "Qaıyrymdy jandar" aksııasy ótti. Shara barysyndajergilikti kásipkerler kópbalaly otbasylarǵa 4 baspana syılady. Bir baspana Marqakól aýylynan, 3 úı Kúrshimnen berildi. Sondaı-aq, Boran men Kúrshim aýyldarynda turatyn 2 kópbalaly otbasynyń úıine demeýshiler tarapynan jóndeý jumystary júrgiziletin boldy. Aksııa aıasynda qomaqty qarajat jınaldy. Túsken qarjy jalǵyzbasty, kópbalaly analarǵa kómek retinde beriletin bolady. «Aýdanymyzda 363 kópbalaly ana bar. Sharaǵa belsene atsalysyp, kómekterin kórsetken barlyq azamattarǵa alǵys bildiremin. Bir qýantary, mundaı sharany ótkizýge aýdanymyzdyń kásipkerleri, turǵyndary ózderi muryndyq bolyp otyr. Atalmysh shara aýdanymyzda dástúrge aınalyp, jylda ótkiziletin bolady» deıdi aýdan ákimi Dýlat Qajanov.
5 bala tárbıelep otyrǵan jalǵyzbasty ana Nursıla Súıinbaevanyń qýanyshynda shek joq. 5 jyldan astam baspana alýǵa kezekte turǵan ananyń armany oryndaldy. «Búgin biz úshin óte qýanyshty kún. Baspana syılap jatyr. El aǵalaryna alǵysym sheksiz. 5 balany jalǵyz tárbıelep otyrmyn. Elimiz aman, jurtymyz tynysh bolsyn» deıdi kópbalaly ana.
Shyǵys Qazaqstan oblysy,
Kúrshim aýdany
