Qazaqstan • 17 Maýsym, 2019

Qazaqstan Halyqaralyq ákeler kúnin atap ótti

1032 ret kórsetildi

Máselen, Qazaqstanda mektep jasyna tolmaǵan balalardyń kútimi men tárbıesine ákelerdiń tek 6,6% ǵana qatysady. Sonymen elimizde mamandyqtary ár túrli ákeler Halyqaralyq áke kúnin atap ótip, balalardy tárbıeleý tájirıbesimen bólisý úshin Qazaqstandaǵy Birikken Ulttar Uıymyna qosyldy.

BUU-nyń Balalar qory (IýNISEF), BUU-nyń turǵyn halyq salasyndaǵy qory (IýNFPA), «BUU Áıelderi» qurylymy uıymdastyrǵan is-sharaǵa BAQ, halyqaralyq uıymdar jáne azamattyq qoǵam ókilderi qatysty. Qatysýshylar ózderi úshin áke bolý degen ne ekenin jáne qandaı da bir qıyndyqtardy jeńip, óz balalarynyń ómirine belsendi túrde qatysatyny týraly aıtyp berdi.

«Bala tárbıesine ákelerdiń qatysýy balanyń jalpy damýyna ǵana oń áserin tıgizip qoımaı, úıdegi seriktester arasyndaǵy úı jumysyn teńdeı bólý arqyly otbasynyń nyǵaıýyna da septigin tıgizedi», – deıdi BUU-nyń turaqty úılestirýshisi Norımasa Shımomýra.

«Bul óte ókinishti, sebebi bala kútimine baılanysty aýyrtpalyq kóbinese anaǵa túsedi jáne ákeler óz balalarynyń ómirlerinde mańyzdy róldi atqarý múmkindigin joǵaltady», – dedi BUU-nyń turaqty úılestirýshisi Norımasa Shımomýra.

Búkil álemde er adamdar balalar kútimimen jáne úı sharýasymen kúnnen kúnge kóbirek aınalysýda. Alǵa damý baıqalady, alaıda ózgerister óte baıaý júzege asýda. 1997 jyl men 2012 jyldar arasynda áıelder men erkekterdiń úı jumysymen aınalysýǵa bóletin ýaqytyndaǵy aıyrmashylyq kúndelikti tek jeti mınýtqa qysqarǵan.

Áıelder úıden tys ýaqytta er adamdarmen birdeı ýaqyt jumys istegende de, bul teńsizdik saqtalady. Búgingi kúni Qazaqstandaǵy áıelder er adamdarmen salystyrǵanda úı jumysyna eki ese kóp ýaqyt jumsaıdy. Sonymen qatar, qazaqstandyq áıelderdiń 66% úıden tys jumys isteıdi. Salystyratyn bolsaq, eńbek naryǵyndaǵy erler úlesi tek 11% ǵana artyq jáne jalpy 77%. quraıdy.

Ákeler kúninde BUU Balalar qory (IýNISEF) ókili Artýr van Dızen, telejúrgizýshi Danııar Qoshqarbaev, «Aýtızm. Qoljetimdi orta» qorynyń negizin qalaýshy jáne «Ákeler odaǵy» qoǵamdyq birlestiginiń tóraǵasy mindetin atqarýshy Rýslan Qazybaev, zańger jáne áleýmettik jelilerdegi ınflıýenser Medet Ýsserov sóz sóıledi. Spıkerler ajyrasýdy bastan keshirgennen keıingi áke róli, erekshe muqtajdyqtary bar bala men kishkentaı balalardyń tárbıesi týraly sóz qozǵady.

Qazaqstan «Ákeleri Odaǵynyń» tóraǵasy mindetin atqarýshy Rýslan Qazybaev balasyna tórt jasqa tolǵanda aýtızm dıagnozy qoıylǵannan keıin «Aýtızm. Qoljetimdi orta» qoryn qalaı qurǵany jaıly baıandady. Qordyń mindeti – jaýapty áke bolý mańyzdylyǵyn qoǵamǵa túsindirip, jańa normany qalyptastyrý.

«Biz ádette ákeler januıaǵa tek materıaldyq jaǵynan kómek kórsetý úshin jáne bala til almaǵanda tártipke keltirý úshin qajet dep oılaımyz. Áke bolý degenimiz – balaǵa jaqsy dos, seriktes bolý jáne otbasylyq mindetterdi bólise atqarý», – dedi Rýslan.


Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar