Qazaqstan Respýblıkasynyń Premer-Mınıstri Asqar Mamın QR jańa mádenıet jáne sport mınıstri Aqtoty Raıymqulovany tanystyrdy.
Úkimet basshysy Arystanbek Muhamedıulyna mádenıet, sport, týrızm salalarynyń damýyna qosqan úlesi úshin alǵys bildirdi.
«Arystanbek Muhamedıuly – tájirıbesi mol basshy. Mınıstr qyzmetinde bes jyl ishinde qarqyndy jumys istep, osy salanyń ózekti máselelerin sheshýge qatysty nátıjeli jumystardy atqardy», — dedi Asqar Mamın.
О́z kezeginde, A. Muhamedıuly QR Tuńǵysh Prezıdenti – Elbasy Nursultan Nazarbaevqa jáne Memleket basshysy Qasym-Jomart Toqaevqa týrızm, mádenıet jáne sport salalaryn damytýdyń memlekettik baǵdarlamalaryn iske asyrýdaǵy ózine artylǵan senim men kórsetken qoldaýlaryna alǵysyn jetkizdi.
Asqar Mamın QR Mádenıet jáne sport mınıstrliginiń ujymyna jańa basshyny tanystyrý barysynda Aqtoty Raıymqulovanyń atalǵan saladaǵy joǵary biliktiligin atap ótip, vedomstvo aldyna qoıylǵan maqsattarǵa qol jetkizýde tabys tiledi. A. Raıymqulova Mádenıet jáne sport mınıstrliginiń qurylymynda 6 jylǵa jýyq ýaqyt jumys istep keledi, 2016 jylǵy qazannan bastap vıse-mınıstr qyzmetin atqarǵan.
