Qazaqstan Respýblıkasynyń Premer-Mınıstri Asqar Mamın Ekologııa, geologııa jáne tabıǵı resýrstar jańa mınıstrliginiń ujymymen kezdesýde QR Prezıdentiniń Jarlyǵymen vedomstvo mınıstri bolyp taǵaıyndalǵan Maǵzum Myrzaǵalıevti tanystyrdy.
Ekologııa, geologııa jáne tabıǵı resýrstar mınıstrligine qorshaǵan ortany qorǵaý, tabıǵı resýrstardyń utymdy paıdalanylýyn qadaǵalaý, geologııa jáne mıneraldy-shıkizattyq bazany qaıta óndirý ókilettikteri, sondaı-aq, qatty turmystyq qaldyqtardyń aınalymy, sýmen jabdyqtaý jáne sý tartý, orman sharýashylyǵy máseleleri berildi.
A. Mamın M. Myrzaǵalıevtiń bilikti maman, tájirıbeli basshy ekenin atap ótti. Ol munaı-gaz salasynda jumys istegen, «Qazmunaıgaz» UK tóraǵasynyń orynbasary, munaı jáne gaz vıse-mınıstri qyzmetterin atqarǵan. Qazirgi tańǵa deıin energetıka vıse-mınıstri laýazymyn atqardy.
«Prezıdent Sizge, óte mańyzdy baǵytty basqarýdy jáne jańa memlekettik organnyń jumysyn uıymdastyryp, alǵa qoıylǵan mindetterdi oryndaýdy senip tapsyrdy», — dep QR Premer-Mınıstri Asqar Mamın, barlyq uıymdastyrý máselelerin jedel sheshýdi jáne jumysqa kirisýdi tapsyrdy.
