Sharaına
Sársenbi, 22 mamyr 2013 1:23
О́ziniki durys, ózgeniki burys
Soltústik Koreıa osy aıdyń sońynda AQSh synaqtan ótkizgeli otyrǵan qurlyqaralyq ballıstıkalyq zymyran ushyrylymyn arandatý úshin jasalyp otyrǵan áreket dep málimdedi. Al bul eldiń ózi bolsa, ótken senbi kúni shaǵyn radıýstaǵy basqarylatyn úsh zymyran ushyrǵan bolatyn.
Sársenbi, 22 mamyr 2013 1:23
О́ziniki durys, ózgeniki burys
Soltústik Koreıa osy aıdyń sońynda AQSh synaqtan ótkizgeli otyrǵan qurlyqaralyq ballıstıkalyq zymyran ushyrylymyn arandatý úshin jasalyp otyrǵan áreket dep málimdedi. Al bul eldiń ózi bolsa, ótken senbi kúni shaǵyn radıýstaǵy basqarylatyn úsh zymyran ushyrǵan bolatyn.
BUU Bas hatshysy Pan Gı Mýn Soltústik Koreıanyń sol jolǵy ushyrylymdaryna alańdaýshylyq bildirip, muny arandatý áreketteri dep málimdedi. BUU Bas hatshysy Phenıandy mundaı is-qımyldan bas tartýǵa shaqyryp, ıadrolyq problema jónindegi alty jaqty pishindegi kelissóz ústeline otyrýdy usyndy. Ońtústik Koreıa da kórshileriniń jaqyndaǵy is-áreketin aıyptaǵan pikirin bildirdi.
Quıyn qurbandyqtary arta túsýde
AQSh-tyń Oklahoma shtatyna osy óńir tarıhyndaǵy eń kúshti tornado qaıta aınalyp soqty. Tabıǵat apatynyń bul jolǵy saldary asa aýyr bolyp otyr. Surapyl quıynnan qaza tapqandar sany qazirdiń ózinde 90 adamnan asyp túsken. Olardyń arasynda balalar kóp.
Tornadonyń kúshti bolǵany sonshalyq, aǵashtardy tamyrymen qoparyp tastaǵan. Oklahoma sıtıdiń mańyndaǵy 55 myń adam turatyn Mýr qalasy jermen-jeksen bolǵan. 100-den astam adam aýyr jaraqat alsa, kópshiligi ál ústinde kórinedi. Atalǵan qaladaǵy bastaýysh mektep túgel qırap qalǵan. Elektr jelileri úzilgen. El prezıdenti Barak Obama tabıǵat apatyn shtattaǵy eń sumdyq oqıǵa dep atap, jergilikti bılikke apattyń saldaryn joıý úshin kómek kórsetýge buıryq bergen.
Jarylystardan 43 adam opat boldy
Iraktyń Baakýba qalasyndaǵy súnnıtter meshitteriniń birinde jasalǵan eki jarylystan kem degende 43 adam qaza tapty. Jaralanǵandar sany budan da kóp. Lańkestikke jaýapkershilikti eshqandaı uıym óz moınyna almaǵan. Biraq, jarylystardy radıkaldy kóńil kúıdegi shııtter jasady degen pikir basym.
Sońǵy aılarda Irakta dinı aýandaǵy lańkestik shabýyldar sany kúrt arta túsip otyr. Olardyń kópshiligin qazirgi shııt bıligine narazy súnnıtter jasaýda. О́ıtkeni, shııtter súnnıtterdi is júzinde «ekinshi sorttaǵy» adamdar etip tastaǵan. Al meshittegi jarylystarǵa kelsek, alǵashqysy adamdar meshitten shyǵa bergen sátte jasalsa, ekinshisi kópshilik olarǵa kómekke umtylǵan kezde oryn alǵan.
Qylmyspen kúres kúsheıe tústi
Venesýelanyń taǵy úsh shtaty – Lara, Sýlııa jáne Karabobo shtattaryna qylmyspen kúres júrgizip, qaýipsizdikti qamtamasyz etý úshin ásker bólimsheleri engizildi. Bul jóninde osy el prezıdenti Nıkolas Madýro habarlady.
Sóıtip, qazirgi kezde atalǵan shtattarda «Qaýipsiz otan» josparyn júzege asyrý júrgizilip jatyr. Kúres nátıjeli bolýy úshin el basshysy búkil halyqtyń qoldaýyn ótindi. О́ıtkeni, deıdi Madýro, turaqtylyqty qamtamasyz etý búkil el úshin asa mańyzdy. Jalpy, joǵarydaǵy úsh shtat aýmaǵyna shamamen 12 myń áskerı ornalastyrylypty. Al Venesýela álemdegi eń qylmysty memleketterdiń biri bolyp sanalady. Mysaly, ótken jyly elde 22 myń adam kisi qolynan qaza tapsa, bul adam óltirý 2011 jylmen salystyrǵanda 14 paıyzǵa artyp ketkenin kórsetedi.
Er-Rııadta altyn stansa salynady
Saýd Arabııasynyń astanasynda altynnan metro stansasy salynady. Onyń qurylysyna aqshany Saýdııa koroli Abdalla óz qaltasynan tóleıdi. Bul aqparatty «Independent» basylymy taratty.
Er-Rııadtyń qarjy aýdanyndaǵy jańa stansanyń aýmaǵy 20 myń sharshy metrdi quraıtyn bolady. Ol metronyń ári ketkende 4 jyl ishinde salynýy josparlanyp otyrǵan jańa jelisinde ornalasady. Stansanyń negizgi bóligi mármárdan salynsa, qabyrǵalary altynnan quıylǵan tabaqshalarmen áshekeılenedi. Sóıtip, ol álemdegi eń qymbat, ári sońǵy úlgide jasalǵan stansalar qatarynan oryn almaqshy.
Áskerı baza kim úshin tıimdi?
Armenııanyń «Mura» dep atalatyn oppozısııalyq partııasynan depýtat Zarýı Postandjıan respýblıka aýmaǵynda ornalasqan Reseıdiń áskerı bazasy úshin jalgerlik aqy talap etti. Bul jóninde ol parlament otyrysynda málimdeme jasaǵan.
Z.Postandjıan óziniń talabyn Armenııa satyp alatyn Reseı gazyna baǵanyń ósýimen túsindirgen. «Biz óz taýarymyzdy tegin usynamyz, al olar óz taýarlary úshin baǵany kóteredi. Bul – bizdiń syrtqy saıasatymyzdyń qaýqarsyzdyǵyn kórsetedi», deıdi depýtat. Sóz retinde Reseıdiń 102-shi bazasy Armenııanyń soltústigindegi Gıýmrı aýdanynda 1990-shy jyldardyń ortasynda qurylǵanyn aıta keteıik. Tutastaı alǵanda, bul baza Armenııa qaýipsizdiginiń múddesine sáıkes keledi.
Qysqa qaıyryp aıtqanda:
Indonezııanyń shyǵysyndaǵy shahtanyń tireýleri opyrylyp qulap túsýinen qaza bolǵan kenshiler sany 12 adamǵa jetti. Bul álemdegi altyn men mys óndiretin eń úlken kenish bolyp tabylady. Úıindi astynda kem degende 15 adam qalyp otyrǵan syńaıly.
Sırııadan qashqan bosqyndar sany qazirgi kezde 1 mln. 515 myń 639 adamdy quraıdy. Bular tirkelgen bosqyndar sany. Sondaı-aq, Sırııanyń óz ishinde kóship júrgender sany 4 mln.-ǵa jetip jyǵylady eken. Elde janjal bastalǵaly beri 80 myń adam kóz jumǵan.
Qytaıdyń ońtústik jáne ortalyq aımaqtaryna jaýǵan nóser jańbyr 55 adamnyń ólimine soqtyrǵan. 14 adamnyń taǵdyry belgisiz. Eń kóp zardap shekken ońtústiktegi Gýandýn provınsııasy delinýde. Sońǵy kúnderi munda 30-dan astam adam kóz jumypty.
Taılandtyń ońtústigindegi Sýngaı-Kolok qalasyndaǵy qonaq úıde jarylǵan bomba 1 adamnyń ómirin qısa, 5-eýin jaralap ketken. Eldiń bul óńirinde negizinen musylmandar turady. Polısııanyń ustanymynsha, jarylys separatıster qolymen jasalyp otyr.
Soltústik Koreıa teńizshileri ustaǵan Qytaıdyń balyq aýlaıtyn kemesi Qytaı syrtqy ister mınıstrliginiń resmı talabynan keıin bosatyp jiberilgen. Kemeniń ıesi Iýı Sıýeszıýnniń sózine qaraǵanda, balyqshylardyń barlyǵy din aman. Al kıkiljińniń qalaı rettelgeni týraly naqty aqparat joq.
Internet materıaldary negizinde ázirlendi.
