Sharaına
Seısenbi, 28 mamyr 2013 2:19
Lıvan aýmaǵynan zymyran jiberildi
«Hezbolla» radıkaldy ıslamıstik tobynyń baqylaýyndaǵy Lıvannyń ońtústiginen Izraıl jaǵyna qaraı zymyran atyldy. Bul týraly Lıvan turǵynyna jáne áskerı toptardan shyqqan aqparat kózderine silteme jasaı otyryp, Jerusalem Post habarlaǵan.
Seısenbi, 28 mamyr 2013 2:19
Lıvan aýmaǵynan zymyran jiberildi
«Hezbolla» radıkaldy ıslamıstik tobynyń baqylaýyndaǵy Lıvannyń ońtústiginen Izraıl jaǵyna qaraı zymyran atyldy. Bul týraly Lıvan turǵynyna jáne áskerı toptardan shyqqan aqparat kózderine silteme jasaı otyryp, Jerusalem Post habarlaǵan.
Zymyran Izraıl shekarasyna 10 shaqyrym jerde ornalasqan Lıvannyń Mardjaıýn qalasynan ushyrylǵan. Onyń qaı jerge baryp túskeni ázirge belgisiz. Qırandylar týraly málimetter joq. Izraıldiń shekaraǵa jaqyn Metýla qalasynyń turǵyndary jarylys daýsyn estigenderin aıtqan. Polısııa ushý apparatynyń qulaǵan jerin izdestirýde. О́kimet ókilderiniń aıtýynsha, qajet bolǵan jaǵdaıda Izraıl Lıvan jaǵynan jiberilgen zymyrandy atyp túsirýge daıyn.
Birjynysty nekege qarsy aksııa
Ashýly kóńil-kúıdegi jastar Parıjde tártipsizdik uıymdastyrdy. Mıtıng aıaqtala kele onyń sońy polısııamen qaqtyǵysqa ulasty. Betterin oramaldarmen jáne moıyn shalmalarmen qymtap alǵan bir top adam polısııaǵa balaǵat sózder aıtyp, arnaýly jasaq pen jýrnalısterge qaraı tas jáne shólmekter laqtyrǵan.
Resmı málimetterge qaraǵanda, narazylyq aksııasyna 150 myń adam, al uıymdastyrýshylardyń aıtýynsha, mıllıonnan astam adam qatysqan. Adamdar birjynysty nekege otyrýǵa jáne balalardy asyrap alýǵa jol beretin zańǵa qarsy narazylyqtaryn bildirgen. Ondaı qujatqa osy aıda prezıdent Fransýa Olland qol qoıǵan bolatyn. Aıta ketý kerek, Fransııa birjynysty nekeni zańdastyrǵan álemdegi on tórtinshi el bolyp otyr.
Iran ushyrý qondyrǵylaryn ornalastyrýda
Iran áskerıleri uzaqqa ushatyn zymyrandar úshin kóptegen ushyrý qondyrǵylaryn ornalastyrdy, dep habarlaıdy Assosheıted Press. Degenmen, qondyrǵylardyń naqty sany men zymyran túrleri aıtylmaǵan.
Iran qorǵanys mınıstri Ahmad Vahıdıdiń aıtýynsha, jańa ushyrý keshenderi Islam Respýblıkasynyń «jaýdy kúıretýine» múmkindik beredi. Sonymen birge, mınıstr zymyrandyq keshenderdi ornatýdyń qorǵanystyq sıpatqa ıe ekenin, Irannyń óziniń eshqashan soǵys bastamaıtynyn atap kórsetken. Osy oraıda Irannyń Asadty qoldaıtyny jóninde birneshe ret málimdegenin, sondaı-aq Iran ókimetiniń Izraıldiń osy óńirdegi áreketine meılinshe teris qaraıtynyn da aıta ketý qajet.
Tehas shtatyndaǵy atys
Amerıkanyń Tehas shtatynda bir qaskúnem túrli qalalardy aralaı júrip, ótip bara jatqan mashınalardaǵy adamdarǵa oq atqan. Reıter agenttiginiń habarlaýynsha, sonyń saldarynan bir adam qaza taýyp, okrýg sherıfin qosa alǵanda, bes adam jaraqattar alǵan.
Qaskúnem sherıfke kómekke kelgen jol-patrýl qyzmeti jáne ańshylyq ınspeksııasy qyzmetkerlerimen arada bolǵan atysta qaza tapqan kórinedi. Keıin belgili bolǵanyndaı, oq atqan 23 jasar er adam Soltústik Karolına shtatynyń turǵyny bolyp shyqqan. Kúdiktiniń mashınasynan vıntovka, tapansha jáne júzdegen patrondar tabylǵan.
Ońtústik Soltústikti qoldamady
Ońtústik Koreıa KHDR-diń eki eldiń jaqyndasýynda sheshýshi kezeń bolyp tabylǵan birlesken Soltústik jáne Ońtústik deklarasııasyna qol qoıylýynyń 13 jyldyǵyn atap ótý týraly usynysyn qoldamaı tastady, dep habarlaıdy Renhap agenttigi.
О́ziniń lıberaldyq kózqarastarymen málim bolǵan ońtústikkoreıalyq prezıdent Kım De Chjýn 2000 jyldyń 15 maýsymynda KHDR lıderi Kım Chen Irmen kelisim jasasqan bolatyn. Sonyń arqasynda KHDR aýmaǵyndaǵy Kymgansan taýyna týrısterdiń barýyna jol ashylyp, birlesken Keson ındýstrııalyq aımaǵy qurylǵan edi. 2008 jyly ońtústikkoreıalyq týrıst qaza tapqannan keıin Kymgansan taýyna barý tyıylyp, Keson aımaǵynyń jumysy túbektegi jaǵdaıdyń shıelenisýine baılanysty ústimizdegi jyldyń sáýirinde toqtaǵan bolatyn.
Palestınaǵa ınvestısııa salynbaq
AQSh-tyń memlekettik hatshysy Djon Kerrı Iordanııadaǵy Búkilálemdik ekonomıkalyq forýmda sóılegen sózinde Palestına avtonomııasy ekonomıkasyn jedel damytý josparyn usyndy.
Ol týrızmdi, qurylysty, aýyl sharýashylyǵyn, jeńil ónerkásipti jáne aqparattyq tehnologııalardy damytý úshin Palestına avtonomııasyna 4 mlrd. dollar jumyldyrý josparlanyp otyrǵanyn málimdedi. Mundaı jospar jumyssyzdyqty 21 paıyzdan 8 paıyzǵa deıin qysqartyp, ortasha eńbekaqyny 40 paıyzǵa ulǵaıtpaq. Al IJО́ ósimi 3 jyl ishinde 50 paıyzdy quraýy tıis.
Soldatqa shabýyl jasaǵan kim?
Parıjdiń shetkeri aımaǵynda fransýz soldatyna jasalǵan shabýyldy tergeýmen Parıj prokýratýrasynyń antıterrorlyq bólimi aınalysatyn bolady, dep habarlaıdy Le Parisien.
Aıta ketý kerek, Londondaǵy sııaqty munda da 23 jasar qatardaǵy jaýynger Sedrık Korde belgisiz bireýler shabýylynyń qurbanyna aınaldy. Oqıǵa soldat óziniń eki áriptesimen patrýldik komanda quramynda Parıjdiń Defans aýdanyndaǵy metro stansasyna jaqyn jerde tártip kúzetinde júrgen kezinde oryn alǵan. Qazirgi ýaqytta Korde gospıtalda jatqan kórinedi. Soldattyń densaýlyǵyn bilýge Fransııanyń qorǵanys mınıstri Jan-Iv Le Drıannyń ózi kelipti.
Internet materıaldary negizinde ázirlendi.
