Kamılııa Rashıtqyzy úsh jyldan beri tatar ortalyǵynda aıryqsha eńbek etip keledi. Qalalyq Dostyq úıinde «Jastar men balalar arasyndaǵy etnıka aralyq jáne konfessııa aralyq qarym-qatynastyń qalyptasýy» degen taqyrypta dóńgelek ústel uıymdastyrsa, oǵan Semeıdegi memlekettik Medısına ýnıversıteti, Shákárim ýnıversıteti, QazIGZÝ stýdentteri erekshe atsalysty. Spıkerler retinde áleýmettnaý Phd-i Muhtar Ábdilkákimov, «REVIVAL 7» jobasynyń jetekshisi Asqar Sadyqov, qaladaǵy jastar máslıhatynyń depýtaty Anatolıı Kalınkınder sóz sóıledi.
-Dóńgelek ústel barysynda Qazaqstandaǵy tatýlyq pen dostyqty nasıhattaý týraly jastarymyzǵa keńinen aqparat berdik,-dedi Kamılııa Rashıtqyzy,-sol sııaqty jastarymyzben birge eńbek etip júrgen úlkenderimizdi de umytpaımyz. Tatar ortalyǵy jaqynda №1 N.G. Chernyshevskıı atyndaǵy orta mektep dırektory Marsel Garafýdınulyn 60 jasqa tolý mereıtoıymen quttyqtadyq. Qazaqstandaǵy Tatarstannyń tótenshe jáne ókiletti elshisi Denıs Valeevtiń arnaıy Qurmet gramotasyn tabystadyq.
Kamılııa Ismaılovanyń aıtýynsha, aldaǵy ýaqytta Sabantoı kele jatyr. Jáne Reseıdegi, dúnıejúzindegi tatar baýyrlarymen tyǵyz baılanysta bolý da jobalarynda bar jumys.
Raýshan NUǴMANBEKOVA
SEMEI
