UBT-nyń alǵashqy kúninde 13 myń bala test tapsyryp jatyr. Jalpy testileýdi ótkizý 9 kúnge josparlanǵan. UBT-ny barlyǵy 117 242 túlek tapsyrady. Búgin Nur-Sultan qalasyndaǵy osy ýnıversıtke 600 bala kelip otyr. Olar arnaıy 10 aýdıtorııaǵa bólingen.
«Ulttyq biryńǵaı test tapsyrýdyń óz erejesi bar. Sol erejege sáıkes komıssııalarymyz jumys isteıdi. Árıne keleńsiz jaǵdaılardy boldyrmaı, olardyń aldyn alýymyz kerek. Máselen, telefon, basqa nárseler alyp kirse, onda oǵan tyıym salyp, toqtatýymyz kerek. Biraq bul psıhologııalyq ahýaldy ózgertpeýi tıis. Sondaı tapsyrma berip otyrmyz», dedi Ashat Aımaǵambetov.
Mınıstrdiń aıtýynsha, barlyq túlekterdiń testileý kezinde ózderin erkin ustaý úshin tolyq múmkindikterdi jasalǵan. Barlyq tártipter Mınıstrlik pen Memlekettik komıssııa baqylaýyna alynǵan. Testileý ashyq, ádil jáne obektıvti túrde ótkiziletindigin, psıhologııalyq turǵydan daıyn ekendigin aıtty. Test suraqtaryn jattandylyqtan arylý úshin otyz paıyzǵa jańartylǵanyn málimdedi. Ata-analarǵa sabyr saqtap, balalaryna sený kerektigin jetkizdi. Aıta keteıik, ata-analarǵa arnaıy vıdeozallda 10 monıtor ornatylǵan. Onda olar erkin otyryp, testileý barysyn baqylaı alady.
EUÝ Jýrnalıstıka fakýlteti stýdenti
