Almaty ákimi Baýyrjan Baıbek jastarǵa, olardyń ıdeıalary men usynystaryna qoldaý kórsetý el Prezıdenti Qasym-Jomart Tokaevtyń basty maqsattarynyń biri ekenin atap ótti. Buryndary mundaı qalalyq kovorkıng-ortalyqtar Alataý jáne Naýryzbaı aýdandarynda ashylyp, jastar úshin sheberlik synyptary, túrli trenıngter, syrttan kelgen jastardyń jumysqa ornalasýyna qatysty keńester turaqty túrde ótkizilip keledi. Budan ózge, Jambyl atyndaǵy jasóspirimder kitaphanasy jastardyń zııatkerlik ortalyq bolyp qaıta quryldy. Burynǵy tramvaı deposynyń bazasynda jas almatylyqtar úshin Loft-ortalyqtyń ekinshi kezeńi «Depo Evolution Park» ashý josparlanǵan.
Elbasynyń Bes áleýmettik bastamasy boıynsha qalada 20 myń oryndy 38 jataqhana salý josparlanǵan. Qazirdiń ózinde tórt jataqhana iske qosyldy, jaqyn arada beseýi ashylady. Eki jyl ishinde 200 jas otbasy «Almaty jastary» qalalyq baǵdarlamasy boıynsha páter aldy. Kásibı jáne tehnıkalyq bilimge erekshe nazar aýdarylýda. Búgingi kúni 30 myńnan astam jastar jumysshy jáne servıstik mamandyqtardy tegin alýda.
Búgin jańa kovorkıng-ortalyqta «Nur Otan» partııasy qalalyq fılıalynyń tóraǵasy Baýyrjan Baıbek birlestiktiń jańa múshelerine jańa partııa bıletterin tapsyrdy. Olardyń arasynda qazaq tili klýbynyń basshysy Marına Faleeva, Qazaqstan men Paralımpııa oıyndarynyń birneshe dúrkin chempıony Azamat Orazbek, jas kompozıtor Ǵalamat Beıseqoja, Sıngapýrdaǵy «Medısına salasyndaǵy 100 startap-joba» júldegeri Alına Achılova, «L-Generation» jetekshisi Edýard Lı, telejúrgizýshi Dıana Skatova, «Arlan» teatrynyń akteri jáne pankratıon boıynsha el chempıony Shalqar Qýdaıbergen bar
Almaty
