Uryny jurttyń ózi ustady
Beısenbi, 17 qańtar 2013 7:01
Shyqpa janym, shyqpa dep otyrǵan aýyl turǵyndarynyń bir-eki ashatuıaǵyn urlaıtyn qaraqshylar kóbeıip ketti. Bala-shaǵanyń nápaqasy dep qystan qysylǵanda azyq qylar maldaryn taltúste áketý, urlaý asqyna tústi. Sondyqtan eshkimniń qarýly qylmyskerlerge qarsy turar qaýqary bolmaǵandyqtan aýyl turǵyndarynyń ózderi urylardy ańdýǵa kóshti. Sóıtip, bir azamat Terekti aýdandyq ishki ister bólimine qarasty Aqjaıyq polısııa bólimshesine eki sheteldik kóliktiń ishinde birneshe maldyń eti ketip bara jatqandyǵyn habarlady.
Beısenbi, 17 qańtar 2013 7:01
Shyqpa janym, shyqpa dep otyrǵan aýyl turǵyndarynyń bir-eki ashatuıaǵyn urlaıtyn qaraqshylar kóbeıip ketti. Bala-shaǵanyń nápaqasy dep qystan qysylǵanda azyq qylar maldaryn taltúste áketý, urlaý asqyna tústi. Sondyqtan eshkimniń qarýly qylmyskerlerge qarsy turar qaýqary bolmaǵandyqtan aýyl turǵyndarynyń ózderi urylardy ańdýǵa kóshti. Sóıtip, bir azamat Terekti aýdandyq ishki ister bólimine qarasty Aqjaıyq polısııa bólimshesine eki sheteldik kóliktiń ishinde birneshe maldyń eti ketip bara jatqandyǵyn habarlady. Amal joq, dabyl túsken soń quryqtaý is-sharasyn qolǵa alǵan jedel top músheleri jolǵa attandy. Shynynda da, álgi aıtylǵan eki kólik alysqa uzaı qoımapty. Urylar polısııa arttarynan qýyp jetedi dep oılamasa kerek, qasha da almaı qaldy. Sodan quramy alty adamnan turatyn barymtashylardyń Terekti aýdanyna qarasty Kónekketken aýylynan tórt jylqyny urlap, soıyp, etterin ózderi mingen «VAZ-21154» jáne memlekettik nómiri joq «Ford Galaksı» kóligine bólip tıep, Oral qalasyna satýǵa alyp bara jatqandyǵy anyqtaldy. Tekserý barysynda bul qylmystyq toptyń aýyl turǵyndarynyń buǵan deıin de birneshe bas iri qara malyn urlaǵandyǵy áshkerelendi.
Fatıholla MAShTAHOV,
Batys Qazaqstan oblystyq ishki ister
departamentiniń qyzmetkeri.
