Jarlyq Prezıdenttiń saılaýaldy baǵdarlamasynda baıandalǵan Qazaqstannyń áleýmettik-ekonomıkalyq jáne saıası damýy jónindegi barlyq mindetterdiń naqty merzimderi men jaýapty memlekettik organdaryn kórsete otyryp, ýaqtyly oryndalýyn qamtamasyz etýge baǵyttalǵan.
Is-qımyl josparyna sot júıesin jańǵyrtý, polısııa qyzmetine qoǵamdyq baqylaýdy kúsheıtý, memlekettik qyzmetti jetildirý, kvazımemlekettik sektorǵa qoǵamdyq baqylaý men esep berýin kúsheıtý, monopolıster tarapynan básekege kedergilerdi joıý jáne asyra paıdalanýdy boldyrmaý, azamattarǵa kepildi áleýmettik qoldaý kórsetýde biryńǵaı standarttar belgileý, olardyń qarjylyq múddelerin qorǵaý jáne basqa da birqatar is-sharalardy qamtyǵan. Keshendi jáne uzaqmerzimdi sıpattaǵy vedomstvoaralyq is-qımyldy qajet etetin máselelerge qatysty memlekettik organdar tarapynan jeke Jol kartasy jasalady. Ony ázirleýge qoǵamdyq sarapshylar tartylatyn bolady.
Bul qujattar Memleket basshysynyń júktegen mindettemeleriniń nátıjeli ári bekitilgen merziminde oryndalýyn retteıdi.
Jospardyń oryndalýyn baqylaý Prezıdent Ákimshiligine júkteldi.
