Adaldar aıqyndalmaq
Juma, 25 qańtar 2013 7:28
Keshe Parlament Májilisiniń bir top depýtattary Astana qalalyq ishki ister departamentinde bolyp, quqyq qorǵaý salasy boıynsha «Qazaqstan Respýblıkasynyń zańyna ózgerister men tolyqtyrýlar engizý týraly» zańynyń jobasyn ázirleý jónindegi jumys tobynyń kóshpeli otyrysyna qatysty. Olardyń arasynda atalǵan jumys tobynyń jetekshisi, zańnama jáne sot-quqyqtyq reforma komıtetiniń múshesi Ramazan Sarpekov, Halyqaralyq ister, qorǵanys jáne qaýipsizdik komıtetiniń múshesi Qaıyrbek Súleımenov, Ishki ister mınıstriniń birinshi orynbasary Marat Demeýov,
Juma, 25 qańtar 2013 7:28
Keshe Parlament Májilisiniń bir top depýtattary Astana qalalyq ishki ister departamentinde bolyp, quqyq qorǵaý salasy boıynsha «Qazaqstan Respýblıkasynyń zańyna ózgerister men tolyqtyrýlar engizý týraly» zańynyń jobasyn ázirleý jónindegi jumys tobynyń kóshpeli otyrysyna qatysty. Olardyń arasynda atalǵan jumys tobynyń jetekshisi, zańnama jáne sot-quqyqtyq reforma komıtetiniń múshesi Ramazan Sarpekov, Halyqaralyq ister, qorǵanys jáne qaýipsizdik komıtetiniń múshesi Qaıyrbek Súleımenov, Ishki ister mınıstriniń birinshi orynbasary Marat Demeýov, Tótenshe jaǵdaılar jáne Ádilet mınıstrligi, Bas prokýratýra men Parlament Májilisi apparatynyń qyzmetkerleri, sonymen qatar, bir top mamandar boldy.
Otyrysta, negizinen, polıgrafty quqyqtyq qoldaný máselesi talqylandy. Osy taqyryp boıynsha qatysýshylardyń kóbi atalǵan qurylǵyny qoldaný barysyndaǵy pikirleri men usynystaryn bildirdi. Ishki ister mınıstriniń birinshi orynbasary, polısııa general-maıory Marat Demeýov kóshpeli májiliske qatysýshylardyń aldynda sóz sóılep, Memleket basshysy men qoǵam quqyq qorǵaý organdarynyń qyzmetkerlerine qylmyspen kúreste, azamattardyń quqyqtary men bostandyqtaryn qorǵaý boıynsha mindetterdi júzege asyrýda joǵary talaptar qoıatynyn atap ótti. Al elordalyq polısııa basshysy, general-maıor Amantaı Áýbákirov: «Memleket basshysy Nursultan Nazarbaev IIM alqa májilisiniń keńeıtilgen otyrysynda atap kórsetkendeı, ishki ister organdaryna qyzmetkerlerdi jumysqa qabyldaǵan kezde polıgrafty belsendi túrde qoldaný qajet», dedi. Osyǵan oraı, búginde Astana qalalyq ishki ister departamenti jumysqa qabyldanatyn úmitkerlerdi zerdeleý úshin birinshi bolyp polıgrafty qoldana bastady. General-maıor Amantaı Áýbákirov qazir zerdeleý júrgizýdiń naqty taktıkasy jasalyp, onyń úmitkerlerdi ishki ister organdaryna qabyldaý kezinde tıimdi nátıje berip otyrǵanyn jetkizdi.
Sonymen qatar, polıgrafolog-mamandarynyń jumysy, polıgrafty qoldaný máselesi men bolashaǵy jóninde «Evrazııskaıa assosıasııa polıgrafologov» uıymynyń tóraǵasy Sergeı Kovalev keńinen aıtyp berdi. Al talqylaý aıaqtalǵannan keıin Astana qalasy IID-niń qyzmetkerleri barlyq qatysýshylarǵa arnap «Dıana-04» psıhofızıologııalyq kesheniniń (qurylǵy «aqıqat detektory» retinde tanymal) jumysyn kórsetti.
Aleksandr TASBOLATOV,
«Egemen Qazaqstan».
