Qorǵaýshy ma, qorlaýshy ma?

Beısenbi, 7 aqpan 2013 7:23

Ádette bireýden zábir kórgen adam polısııaǵa shaǵymdanady. О́ıtkeni, aldymen polısııa ǵana jábirlenýshiniń quqyn qorǵaıdy. Qylmystyń betin ashady. Al jurtshylyq qorǵaýshy retinde arqa súıeıtin polıseılerdiń ózderi qorǵansyz janǵa zábir kórsetip, qorlasa she? Basqa bir buzyqtar áıel zorlady dese senýge bolar, al polısııa qyzmetkerleriniń dál osyndaı arsyz iske barýyn nege jorýǵa bolady?

Beısenbi, 7 aqpan 2013 7:23

Ádette bireýden zábir kórgen adam polısııaǵa shaǵymdanady. О́ıtkeni, aldymen polısııa ǵana jábirlenýshiniń quqyn qorǵaıdy. Qylmystyń betin ashady. Al jurtshylyq qorǵaýshy retinde arqa súıeıtin polıseılerdiń ózderi qorǵansyz janǵa zábir kórsetip, qorlasa she? Basqa bir buzyqtar áıel zorlady dese senýge bolar, al polısııa qyzmetkerleriniń dál osyndaı arsyz iske barýyn nege jorýǵa bolady?

Jylyoı aýdandyq ishki ister bó­li­min­de ýchaskelik polısııa ıns­pek­tor­larynyń kómekshisi bolyp qyzmet ete­tin eki ofıserdiń 34 jasqa endi tol­ǵan názik janǵa zorlyq jasaǵany el­diń jaǵasyn ustatyp otyr. Olardyń qa­synda taǵy bir azamat bolypty. Osy úsheýi Qulsary qalasyna ýaqytsha tu­rý­ǵa kelgen ózge óńir turǵynyn áýeli kúsh­tep zorlaǵan, odan soń basyna paket kıgizip, en dalaǵa aparyp tastaǵan. Qazir, oblystyq ishki ister departamenti baspasóz qyzmetiniń jetekshisi, polısııa polkovnıgi Gúlnázıra Muhtarovanyń aıtýynsha, úsh kúdikti de qamaýǵa alynyp, tergeý isi júrgizilýde. Tergeý barysynda jábirlenýshi ózine zorlyq kórsetkenderdi tanyǵan.
Osyǵan baılanysty Ishki ister mınıstriniń orynbasary Amantaı Kúreńbekov Atyraýda oblystyq ishki ister departamenti qurylymdarynyń basshylyǵymen jedel jınalys ótkizdi. Onda Jylyoı aýdandyq ishki ister bóliminiń eki qyzmetkeri jasaǵan aýyr qylmystyq is sóz boldy. Mınıstrdiń orynbasary Jylyoı aýdandyq ishki ister bóliminiń bastyǵy Serik Erbólekovti qyzmetinen bosatty. Sonymen birge, onyń orynbasarlarynyń jáne basqa da basshylyq qyzmetkerleriniń qyz­­­­­metterine sáıkestigi máselesi kóterildi.
Árıne, kináliler jazasyn alady. Oǵan daý joq. Alaıda, endi el-jurt po­lı­seılerdiń adam zorlaý qylmysyna qa­t­y­sýyn eshqashan umytpaıdy. Budan by­laı polısııa qyzmetkerin kórse, qor­ǵaýshy dep emes, zorlaýshy dep teris aınalýy da ǵajap emes. Shyndyǵynda da po­lısııa qyzmetkerleri qorǵaýshydan qorlaýshyǵa aınalyp bara jatqan joq pa?
Joldasbek ShО́PEǴUL,
«Egemen Qazaqstan».
Atyraý oblysy.