Qazaqstan Premer-Mınıstri Asqar Mamın Tashkent qalasynda О́zbekstan Prezıdenti Shavkat Mırzıeevpen kezdesý ótkizdi.
Kezdesý barysynda Qazaqstan men О́zbekstan arasyndaǵy ózara is-qımyldyń barlyq spektrleri boıynsha ekijaqty yntymaqtastyqty odan ári damytý máseleleri talqylandy.
«Qazaqstan О́zbekstanmen jan-jaqty ózara tıimdi baılanystardy keńeıtýdi kózdeıdi», — dep A. Mamın, buǵan Qazaqstannyń Tuńǵysh Prezıdenti – Elbasy N. Nazarbaev pen О́zbekstan Prezıdenti Sh. Mırzıeev berik negizin qalaǵan, eki el arasyndaǵy sońǵy jyldary qalyptasqan shynaıy strategııalyq seriktestik yqpal etetinin atap ótti.
QR Prezıdenti Q. Toqaevtyń 2019 jylǵy sáýirde О́zbekstanǵa jasaǵan memlekettik sapary barysynda Qazaqstan – О́zbekstan yntymaqtastyǵyna eleýli qarqyn bergen mańyzdy ýaǵdalastyqtarǵa qol jetkizildi.
«Bizdi yntymaqtastyqtyń barlyq baǵyttary, onyń ishinde saýda-ekonomıkalyq saladaǵy baǵyttar boıynsha oń dınamıka qýantady. Biz strategııalyq seriktestikti odan ári nyǵaıtýǵa múddelimiz», — dedi О́R Prezıdenti Sh. Mırzıeev.
QR Premer-Mınıstri kólik jáne tranzıt, ınvestısııalyq yntymaqtastyq, aýyl sharýashylyǵy, energetıka, qorǵanys-ónerkásiptik sala, sıfrlandyrý, týrızm, mádenı-gýmanıtarlyq baılanystar salasyndaǵy zor perspektıvalardy atap ótti.
Tashkentte Qazaqstan Premer-Mınıstri óziniń ózbek áriptesi A. Arıpovpen QR men О́R arasyndaǵy ekijaqty yntymaqtastyq boıynsha XVIII Birlesken úkimetaralyq komıssııa otyrysyna qatysty.
Komıssııa otyrysy eki eldiń memlekettik organdarynyń basshylary men bıznes qaýymdastyqtary ókilderiniń qatysýymen ótti.
«О́zbekstan – Qazaqstannyń úshinshi saýda seriktesi», — dep QR Premer-Mınıstri, eki el arasyndaǵy saýda-ekonomıkalyq yntymaqtastyqtyń qarqyndy damyp kele jatqanyn aıtty.
О́zbekstan Úkimetiniń basshysy A. Arıpov eki eldiń bıznes qurylymdarynyń arasynda tikeleı baılanys ornatýǵa múmkindik beretin alǵashqy QR jáne О́R Aımaqaralyq forýmnyń jáne Ortalyq Azııa ekonomıkalyq forýmynyń mańyzdylyǵyn atap ótti.
Belsendi damyp kele jatqan tyǵyz baılanystardyń kórsetkishi — QR men О́R arasyndaǵy ózara saýdanyń ósýi: 2018 jyldyń qorytyndysy boıynsha taýar aınalymy $3 mlrd-qa jýyq mólsherge jetti. 2019 jylǵy qańtar-sáýir aılarynda ótken jyldyń sáıkes kezeńimen salystyrǵanda 20,8%-ǵa artyp, $1,1 mlrd qurady.
Taraptar Úkimetaralyq komıssııa qabyldaǵan sheshimder ekijaqty qarym-qatynastardy nyǵaıtýǵa salmaqty úles qosyp, eki el ekonomıkasyn damytý úshin jańa múmkindikter ashatynyna senim bildirdi.
Otyrysqa qatysýshylar 2018 jyly «Qazaqstandaǵy О́zbekstan jylynyń» tabysty ótkenin, sondaı-aq 2019 jyly «О́zbekstandaǵy Qazaqstan jylyn» ótkizý boıynsha Is-sharalar josparyn sapaly oryndaýdyń mańyzdylyǵyn atap ótti.
Qazir О́zbekstanda qazaqstandyq kapıtaldyń qatysýymen 600-ge jýyq birlesken kásiporyn jumys isteıdi, Qazaqstanda ózbek kapıtalynyń qatysýymen 1 myńnan astam kásiporyn bar, onyń ishinde 400-den astamy — birlesken kásiporyndar.
Úkimetaralyq komıssııa jumysynyń qorytyndysy boıynsha jalpy somasy $1,5 mlrd-tan asatyn 27 qujatqa qol qoıyldy. Kelisimder saýda-ekonomıkalyq, ınvestısııalyq, tranzıttik-kólik, aýyl sharýashylyǵy salalarynda, jeńil ónerkásipte, farmasevtıkada yntymaqtastyqty damytýǵa baǵyttalǵan.
Otyrys qorytyndysy boıynsha Birlesken Úkimetaralyq komıssııanyń teń tóraǵalary Qazaqstan Premer-Mınıstri A. Mamın men О́zbekstan Premer-Mınıstri A. Arıpov tıisti Hattamaǵa qol qoıdy.
