QR Premer-Mınıstri Asqar Mamın Túrkistan oblysyna jáne Shymkent qalasyna jumys sapary barysynda Túrkistan qalasynyń tirshilikti qamtamasyz etý nysandarynyń jumysymen, kólik ınfraqurylymymen jáne salynýymen tanysty.
Túrkistanda QR Premer-Mınıstri oblys ortalyǵynyń salynýyn tekserdi.
QR Úkimetiniń basshysy jańa halyqaralyq áýejaı qurylysynyń bastalýymen tanysty. Nysan oblys ortalyǵynan 16 shaqyrym qashyqtyqta ornalasqan jáne 2020 jyly jeltoqsan aıynda paıdalanýǵa beriletin bolady. Termınaldyń ótkizý qabileti jylyna 3 mln jolaýshyny quraıtyn bolady dep josparlanǵan.
QR Premer-Mınıstrine 610 tósek-oryndyq bolashaq kópbeıindi oblystyq medısınalyq ortalyq jobasy tanystyryldy. Jańa aýrýhanany memlekettik-jekeshelik áriptestik aıasynda sheteldik jáne otandyq ınvestorlar birigip salatyn bolady.
Asqar Mamın bólimderdiń ornalasý sulbalaryn kórdi. Biryńǵaı ortalyq aýmaǵynda jedel medısınalyq járdem stansııasy, onkologııalyq jáne radıologııalyq ortalyq, sonymen qatar jańa týǵan nárestelerge arnalǵan ıntensıvti terapııa bólimi jumys isteıtin bolady, bul bólim sábıler ólim-jitimin azaıtýǵa múmkindik beredi.
Odan soń Asqar Mamın oblys ortalyǵynyń qurylysy barysyn tekserip, ákimshilik, áleýmettik, mádenı-tarıhı maqsattarda salynyp jatqan nysandardy kórdi.
QR Úkimetiniń basshysy oblys ákimdigi, medıa ortalyq, kongress-holl, «Nur-Sultan» alańy, halyqqa qyzmet kórsetý ortalyǵy ǵımarattarynyń qurylys alańyn aralady. Áleýmettik maqsattaǵy nysandardyń ishinen Asqar Mamın sport jáne mýzyka mektepteriniń, týrıstik baǵyttaǵy kolledjdiń, stadıonnyń, oqýshylar jáne sport saraılarynyń salyný barysyn kórdi. Sonymen qatar, salynyp jatqan Qazaq drama teatry, neke saraıy ǵımarattaryn, sondaı-aq attraksıondary bar parkti, mýzykalyq fontan men amfıteatrdy aralady.
Qalanyń tarıhı-mádenı ortalyǵynda QR Premer-Mınıstri Q.A. Iаssaýı mýzeıin, «Uly dala Eli» ortalyǵyn, oblystyq ǵylymı-ámbebap kitaphananyń, Shyǵys monshasynyń salynýy, Uly Jibek jolynyń qolónershileriniń Ulttyq ortalyǵy ǵımaratyn, vızıt ortalyǵyn rekonstrýksııalaý, Kúltóbe qalashyǵynyń tarıhı nysandaryn restavrasııalaý boıynsha atqarylyp jatqan jumystar barysyn tekserdi.
Budan basqa, QR Premer-Mınıstri jańa saıabaq pen qalalyq Arbat salynyp jatqan qurylys alańdaryn aralady.
Shymkentte QR Úkimetiniń basshysy qalalyq káriz-tazartý júıeleriniń aýmaǵynda bolyp, aǵyn sýlardy tazartý júıesiniń jáne jaýyn-shashyn sýlarynan elektr energııasyn óndirý úshin óńdeıtin keshenniń (bıogaz qurylǵysynyń) jumysyn kórdi.
QR Premer-Mınıstri «Shymkent Bus» birinshi avtobýs parkin aralady, onda qalalyq jolaýshylar tasymalyn uıymdastyrý jáne jergilikti qoǵamdyq kóliktiń jyljymaly quramyn jańartý týraly baıandaldy.
