2018-2019 jj. birinshi jartyjyldyq qorytyndysy boıynsha «Kazakh Invest» Ulttyq kompanııasy» AQ-nyń qoldaýymen sheteldik kapıtalynyń qatysýymen 29 joba iske asyryldy. Osy jyldyń aıaǵyna deıin qosymsha 28 joba iske qosylyp, jalpy «Zákir ınvestorlarmen» jáne TUK-pen birlesip quny 5,1 mlrd AQSh dollaryn quraıtyn 57 joba paıdalanýǵa beriledi. Nátıjesinde 10 myńnan astam turaqty jumys oryn qurýǵa múmkindik beriledi.
2018 jyly Kazakh Invest-tiń qoladýymen jalpy quny 3,1 mlrd AQSh doll. bolatyn 27 joba iske asyryldy. Onyń ishinde Jambyl oblysynda qýattylyǵy 50 MVt quraıtyn kún elektr stansııasy, Qyzylorda oblysynda sement zaýyty (jylyna 1 mln tonna sement), Túrkistan oblysynda elimizde jalǵyz túıe sútin óndiretiń zaýyt (táýligine 100 tonna sút óndeý) óz jumysyn bastady. Sondaı-aq 2018 jyly Pavlodar oblysynda temir jolǵa arnalǵan dóńgelekterdiń óndirisi (jylyna 200 myń dana dóńgelek) ashylyp, Nur-Sultan qalasynda transformatorlardy shyǵarý óndirisi (jylyna 100 transformator) iske qosylyp, Qaraǵandy oblysynda mashına jasaý zaýytynyń (jylyna 8,5 myń tonna ónim) transformasııasy aıaqtaldy. Jobalardyń iske asyrylýy 6 myń jumys ornyn ashýǵa múmkindik berdi.
2018 j. qorytyndysy boıynsha Kazakh Invest-tiń qoladýymen ınvestorlar Almaty qalasynda 5 jobany iske asyrdy, Pavlodar oblysynda - 4 joba, al Almaty, Qaraǵandy jáne Túrkistan oblystarynda 3 jobadan iske qosty.
Kazakh Invest 2019 jyly sheteldik qatysýymen quny 2 mlrd AQSh dollaryn quraıtyn 30 jobany iske asyrýdy qamtamasyz etýdi josparlap otyr. Iske asyrylyp jatqan jobalardyń 40% jańǵyrtylatyn energııa kózderi jáne aqparattyq-kommýnıkasııalyq tehnologııalary salalarynda. Bıyl jalpy qýattylyǵy 400 MVt bolatyn kún elektr stansııalary, 90 MVt bolatyn jel jáne 25 MVt-qa sý elektr stansııalary óz jumysyn bastamaq. Jobalardyń jalpy quny 680 mln. AQSh dollaryn quraıdy.
Budan bólek, 2018-2019 jylyna arnalǵan Ulttyq ınvestısııalyq strategııasyna sáıkes Kazakh Invest óz aldyńda jylyna 8 TUK jáne zákir ınvestorlarymen 2 birlesken kásiporyn ashý boıynsha maqsatyn qoıyp otyr. 2018 jyldyń qorytyndysy boıynsha 8 TUK jalpy 930 mln AQSh doll. ınvestısııa quıdy, sondaı-aq zákir ınvvestorlarymen jalpy quny 335 mln. bolatyn 2 birlesken kásiporyn ashyldy. Olardyń ishinde Linde Gr. (Germanııa), Farm Frites (Nıderlandy), Carmeuse Group (Belgııa), China Triumph International Engineering (QHR), Phoenix Global (BAÁ), Yildirim Holding (Túrkııa), United Green (Ulybrıtanııa), CG Corp. (Sıngapýr). Osy jyly Kazakh Invest reseılik «EKO-kýltýra», amerıkandyq Tyson Foods, Valmont, AGCO, fransýz Servier jáne nemis Tonnies sekildi kompanııalardy targetteıdi.
Jalpy alǵanda, sońǵy eki jyldyń ishinde Kompanııa tarapynan ınvestorlar úshin «jumsaq ınfraqurylym» quryldy: Qazaqstan zańnamasyn men rásimderin túsindirý boıynsha jumysy retteldi, sheshim qabyldaýdyń ashyqtyǵy qamtamasyz etildi, ákimshilik júktemeleri azaıdy. Mysaly, Kazakh Invest tarapynan qazaq, aǵylshyn jáne orys tilinde invest.gov.kzBiryńǵaı ulttyq ınteraktıvtik ınternet-resýrs ashyldy. Saıtta ınvestısııalaýdy qajet etetin jobalar týraly málimetten bólek ár-túrli máseleler boıynsha suratýlardy qabyldaıtyn qyzmet iske qosyldy. Táýlik boıy +7 717 2 620 620 nómiri boıynsha ınvestorlar úshin Call-center jumys isteýde.
2018-2019 jj. qorytyndysy boıynsha ınvestorlar úshin Kazakh Invest tarapynan 1100-den astam konsýltasııalyq qymetter kórsetildi. Investısııalyq ombýdsmen qyzmeti aıasynda ınvestorlar tarapynan 91 ótinish túsip, onyń 48-si tolyq sheshilip, 13 suraq boıynsha zańnamaǵa sáıkes túsindirý jumystary atqaryldy, 30-y boıynsha jumys atqarylyp jatyr.
