Qazaqstannyń Túrkııadaǵy Elshiligi men Kaıserı ónerkásiptik palatasy birlese túrik ınvestorlary úshin bıznes-semınar uıymdastyrdy.
Is-sharaǵa jıhaz ónerkásibi, qurylys materıaldary, jeńil ónerkásip, mashına jasaý jáne t.b. salalarda jumys jasaıtyn Kaıserıdegi aldyńǵy qatarly 20 kompanııanyń jetekshileri qatysty.
Jıyn barysynda Qazaqstandaǵy bıznes júrgizýdiń sharttary, memlekettik qoldaý sharalary, EEO, Ortalyq Azııa jáne Qytaı naryqtaryna eksporttyq áleýeti bar basym salalardaǵy jobalardy iske asyrý múmkindikteri, AHQO aıasynda yntymaqtastyq jáne basqa da túrli máseleler talqylandy.
Shara nátıjesinde ekijaqty kezdesýler ótkizildi, onyń barysynda Kaıserıdegi birqatar kompanııalar Qazaqstandaǵy turmystyq tehnıka, jıhaz óndirisi, tereze-esikter men qosalqy zattar shyǵarý múmkindigin qarastyrý maqsatynda ınvestısııalyq yntymaqtastyqty ornatýǵa qyzyǵýshylyq tanytty.
Sondaı-aq, atalǵan jıyn qorytyndysy boıynsha ınvestısııalyq jobalardy iske asyrý sharttarymen tikeleı tanysý jáne yntymaqtastyq baǵyttaryn belgileý maqsatynda aldaǵy ýaqytta túrik ınvestorlarynyń Qazaqstanǵa saparyn uıymdastyrý jumysyn qarastyrý boıynsha jaqyn arada kezdesý ótkizý týraly kelisimge qol jetkizildi.
