Bir qumalaq bir qaryn maıdy búldirdi
Beısenbi, 21 aqpan 2013 7:24
Polıseılerdiń mindeti – qylmystyń aldyn alý, bolǵan qylmystyń betin ashý, qoǵamda tynyshtyqty kúzetý. Eger polıseı qylmysty búrkemeleýge tyryssa, sol arqyly jeńil jolmen aqsha tabýdy oılasa, qoıdy qasqyrǵa baqtyrǵanmen birdeı.
О́tken jyly tamyz aıynda Áýlıekól aýdanyndaǵy Qusmuryn kentinde temirjolshylar kúnin toılaǵan 16 men 19 jas aralyǵyndaǵy bes jigit áıel zorlaıdy. Áıel polısııaǵa shaǵymdanady. Alaıda, kenttiń polısııa bóliminiń bastyǵy A.Kenjetaev pen tergeýshi S.Ermekova «búlingennen búldirgi alyp», zardap shekken áıeldi zorlaýshylarmen tatýlasýǵa májbúrleıdi.
Beısenbi, 21 aqpan 2013 7:24
Polıseılerdiń mindeti – qylmystyń aldyn alý, bolǵan qylmystyń betin ashý, qoǵamda tynyshtyqty kúzetý. Eger polıseı qylmysty búrkemeleýge tyryssa, sol arqyly jeńil jolmen aqsha tabýdy oılasa, qoıdy qasqyrǵa baqtyrǵanmen birdeı.
О́tken jyly tamyz aıynda Áýlıekól aýdanyndaǵy Qusmuryn kentinde temirjolshylar kúnin toılaǵan 16 men 19 jas aralyǵyndaǵy bes jigit áıel zorlaıdy. Áıel polısııaǵa shaǵymdanady. Alaıda, kenttiń polısııa bóliminiń bastyǵy A.Kenjetaev pen tergeýshi S.Ermekova «búlingennen búldirgi alyp», zardap shekken áıeldi zorlaýshylarmen tatýlasýǵa májbúrleıdi. Kúdiktilerden zardap shegýshige 300 myń teńge moraldyq shyǵyn talap etedi. Aqsha alý úshin zardap shegýshi men kúdiktiler arasynda tatýlasty degen ústirt nátıjege qol jetkizgendeı bolady. Kúdiktiler zardap shegýshige bergen aqshanyń 150 myń teńgesin polıseıler ózderi alyp qalady. Tergeýshiniń qysymymen áıel qoıar kinásin, kórsetýlerin ózgertedi. Kináli ári kúnáli bolǵan jigittermen sybaılasqan polıseıler áıelge aqshanyń qalǵanyn oblystyq ishki ister departamenti jeke bastyń qaýipsizdigi basqarmasy qyzmetkerleri aldyndaǵy jaýabynan keıin berýge ýáde etken.
Eldiń tynyshtyǵyn kúzetedi, adamnyń ar-namysyn qorǵaıdy degen polıseılerdiń ózi osylaı bylyqqa batty. «Altyn kórse perishte joldan taıady», degen, óz qyzmetine adaldyq tanyta almaǵan polıseılerge kenttiń tártibin, adam taǵdyryn qalaı senip tapsyrýǵa bolady? Áıel zorlaǵan jap-jas jigitter qutylyp ketti. О́ıtkeni, tergeýshi qujattardyń barlyǵyn «durystap», aıǵaq qaldyrmaǵan. Kináliler osylaı qutyldy, biraq olardy tezge salar temir torǵa kóziniń aldyn shel basqan polıseılerdiń ózi otyrdy. Jaqynda Qusmuryn kentindegi polısııa bóliminiń burynǵy bastyǵy Asylhan Kenjetaev pen tergeýshi, maıor Sáýle Ermekovaǵa qatysty Áýlıekól aýdandyq sotynyń úkimi oblystyq ishki ister departamentiniń úlken zalynda oqyldy. Zal polıseılerge lyq toldy. Sot úkimi oqylyp, podpolkovnık A.Kenjetaev 6 jylǵa, S.Ermekova 5 jyl 6 aıǵa bas bostandyǵynan aıyrylyp, múlki tárkilenýmen qatar, jazasyn jalpy rejimdegi kolonııada óteıtin boldy.
Mine, bir qaryn maıdy bir qumalaq búldirip ketti degen osy.
Názıra JÁRIMBETOVA,
«Egemen Qazaqstan».
QOSTANAI.
