Aımaqtar • 27 Maýsym, 2019

Qyrǵyz zııalylary Áýezovtiń eskertkishine gúl shoqtaryn qoıdy

510 ret
kórsetildi
1 mın
oqý úshin

Búgin zańǵar jazýshy Muhtar Áýezovtiń dúnıeden ótken kúni. Halyqaralyq Túrki akademııasy uıymdastyrǵan qazaq-qyrǵyz zııalylarynyń forýmyna qatysý úshin Almatyǵa arnaıy kelgen qyrǵyz delegattary jazýshynyń mýzeıine bas suǵyp, arýaǵyna qurmet retinde gúl shoqtaryn qoıdy.

Qyrǵyz zııalylary Áýezovtiń eskertkishine gúl shoqtaryn qoıdy

Sultan Raev, Qadyraly Qońqabaev bastaǵan qyrǵyz zııalylarymen qatar  belgili tarıhshy Mámbet Qoıgeldıev, ádebıetshi Dandaı Ysqaq sekildi qalamgerler de Áýezov murajaıyn aralap, uly klassıktiń júrip ótken jolyna sholý jasady.

«Muhtar Áýezov esimi álemge áıgili qalamger. Ol qazaq ádebıetiniń ǵana emes, tutas túrki dúnıesiniń rýhanı asyl murasyna aınalǵan irgeli shyǵarmalardy ómirge ákeldi. Almatyǵa tabany tıgen qyrǵyz ǵalymdary men jazýshylary onyń árýaǵyna táý etip, qurmet kórsetpeı ketpeıdi. Áýezovtiń qalamynan týǵan shyǵarmalar dáýir únin tap basqan qaıtalanbas týyndylar»,-deıdi Qyrǵyzstandaǵy Manas qyrǵyz-túrik ýnıversıtetiniń professory, f.ǵ.d. Qadyraly Qońqabaev.