Qazaqstan • 28 Maýsym, 2019

Quttyqtaýlarda – izgi tilekter

157 ret kórsetildi

Qasym-Jomart Toqaevtyń Qazaqstan Respýblıkasynyń Prezıdenti bolyp saılanýyna oraı quttyqtaý hattar men jedelhattar kelip túsýde, dep habarlady Prezıdenttiń baspasóz qyzmeti.

Ulybrıtanııa Patshaıymy II Elızaveta óziniń hatynda Qasym-Jomart Toqaevty shyn júrekten Qazaqstan Prezıdenti laýazymyna saılanýymen quttyqtady.

«Sizge jáne Qazaqstan halqyna bar jaqsylyqty tileımin, sondaı-aq, elderimiz arasyndaǵy jaqsy qarym-qatynastardy jalǵastyrýdy taǵatsyzdana kútemin», – delingen jedelhatta.

Kýveıt memleketiniń Ámiri Sabah ál-Ahmad ál-Djaber Ál Sa­bah Qasym-Jomart Toqaevty Prezıdent saılaýyndaǵy jeńisimen qut­tyqtap, ekijaqty yqpaldastyqty odan ári nyǵaıtýǵa daıyn ekenin bildirdi.

«Dostas elderimiz arasyndaǵy yntymaqtastyqty joǵary baǵa­laı­tynymyzdy jáne ony memleketterimizdiń múddesi úshin damy­týǵa nıetti ekenimizdi aıtqym keledi», – dep jazǵan Kýveıt Ámiri.

Aljır Prezıdentiniń mindetin atqarýshy Ábdel Kader ben Salıh ta Qasym-Jomart Toqaevqa quttyqtaý hatyn joldaǵan.

«Eki el arasynda jaqsy tarıhı baılanystar, ózara qarym-qatynastar ornaǵan. Elderimizdiń ıgiligi úshin Sizben jumys isteýge jáne ekijaqty formattaǵy jáne halyqaralyq uıymdar aıasyndaǵy yqpaldastyqty nyǵaıtýǵa daıyn ekenimdi bildiremin», delingen jedelhatta.

Iаmaıkanyń Premer-mınıstri Endrıý Holness óz quttyqtaýynda Memleket basshysynyń saıası tájirıbesi baı ekenin atap ótip, Qazaqstannyń ósip-órkendeı berýine tilektestik bildirdi.

«Iаmaıka men Qazaqstan 24 jyl buryn dıplomatııalyq baılanys ornatqan sátten beri jaqsy qarym-qatynastaryn jalǵastyryp keledi. Aldaǵy ýaqytta osy baılanystarymyzdy tereńdete otyryp, ózara múddelerimizdi bildiretin máseleler jónindegi yntymaqtastyqty keńeıtýge úmittenemin», dep atap ótken Endrıý Holness.

Mońǵolııanyń eks-prezıdenti Nambaryn Enhbaıar quttyqtaý hatynda Qazaqstannyń odan ári damı beretinine jáne Qasym-Jomart Toqaevtyń basshylyǵymen halyqtyń ál-aýqaty jaqsara túsetinine senim bildirdi.

«Mońǵolııa men Qazaqstan arasyndaǵy ortaq tarıh pen halyqtarymyzdyń jaqyndyǵyna negizdelgen áriptestik qatynastar jańa deńgeıge kóteriledi dep sanaımyn», delingen jedelhatta.

M.V.Lomonosov atyndaǵy Máskeý memlekettik ýnıversıtetiniń rektory Vıktor Sadovnıchıı Qasym-Jomart Toqaevtyń Reseımen strategııalyq jáne dostyq qatynastardy damytýǵa beıildigin ýnıversıtet ujymy joǵary baǵalaıtynyn atap ótip, oqý ornynyń jumysyna kóńil bólgeni úshin Memleket basshysyna alǵys aıtty.

Shveısarııadaǵy Máskeý memlekettik halyqaralyq qatynastar ınstıtýtynyń túlekteri assosıasııasynyń tóraǵasy Iýrıı Nazarkın birlestik atynan Memleket basshysyn quttyqtady.

«Qazaqstannyń ıgiligi úshin barlyq aýqymdy memlekettik mindetterdi tabysty sheshýińizge tilektespiz. Sizdiń halyqaralyq deńgeıdegi mol tájirıbeńiz jahandyq arenadaǵy elińizdiń ornyn odan ári nyǵaıtýǵa septigin tıgizetinine senimdimiz», dep jazylǵan jedelhatta.

Sondaı-aq Qasym-Jomart Toqaev­tyń atyna Kýveıt Premer-mınıstri Dja­ber ál-Múbárák ál-Hamad ál Sabah, Kýveıt Memleketi Ámiriniń taq mu­ra­geri Naýýaf ál-Ahmad ál-Djaber ál Sabah, Tokıo gýbernatory Iýrı­ko Koıke, Dúnıejúzilik keden oda­ǵy­nyń Bas hatshysy Kýnıo Mıkýrııa, BUU Chadtaǵy rezıdent-úılestirýshisi Stı­ven Týll, Germanııa ekonomıkasy Shyǵys komıtetiniń tóraǵasy Volfgang Bıýhele, Portýgalııa-Qazaqstan saýda palatasynyń tóraǵasy Nýno Mıgel Afonso Lopes, Shveısarııa Federaldy Jınalysynyń «Shveısarııa-Qazaqstan» dostyq tobynyń teń tóraǵasy Fılıppo Lombardı, «Total» kompanııasynyń basqarma tóraǵasy Patrık Pýıanne, INPEX CORPORATION prezıdenti Takaıýkı Ýeda, Eýrazııalyq banktiń basqarma tóraǵasy Andreı Belıanınov, «Teńizshevroıl» JShS bas dırektory Imer Bonner, Beıjiń lıngvıstıkalyq ýnıversıtetiniń ujymy quttyqtaýlaryn joldady.

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar