Úkimet basshysy kóppáterli jáne jekemenshik úıler ornalasqan «Kóktem-1» jáne «Kóktem-2» turǵyn úı alaptaryna boldy, zalaldanǵan jergilikti mektep, qalalyq aýrýhana men Halyqqa qyzmet kórsetý ǵımarattaryn kórdi.
Qazaqstan Premer-Mınıstrine turǵyn úı, áleýmettik, ınfraurylymdyq jáne qalanyń tirshilik áreketiniń basqa da nysandaryna tıgizilgen zardap týraly baıandaldy.
Aralaý kezinde A. Mamın TJ saldaryn joıýǵa tikeleı atsalysqan jergilikti aqsaqaldarmen jáne mamandarmen áńgimelesti. Olardyń qataryna saperler, medısına qyzmetkerleri, qutqarýshylar jáne jergilikti bılik organdary bar. Úkimet basshysy olarǵa jumystary úshin alǵys aıtyp, «birlesken úılesimdi jumystyń arqasynda turǵyndardy ýaqytyly evakýasııalap, týyndaǵa tótenshe jaǵdaıdyń aýqymdyraq saldarynyń aldyn alý múmkin bolǵanyn» atap aıtty.
Aralap kórý qorytyndysy boıynsha Premer-Mınıstr Arys qalasynda tótenshe jaǵdaılar saldaryn joıý jónindegi Úkimetti komıssııa otyrysyn ótkizdi. Onyń quramyna mınıstrlikter men oblystyq ákimdikterdiń basshylary kirdi.
Aǵymdaǵy jaǵdaı men tótenshe jaǵdaı saldaryn joıý boıynsha qabyldanyp jatqan sharalar týraly QR qorǵanys mınıstri N. Ermekbaev, ishki ister mınıstri E. Turǵymbaev, densaýlyq saqtaý mınıstri E. Birtanov, eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri A. Aımaǵambetov, ekologııa, geologııa jáne tabıǵı resýrstar mınıstri M. Myrzaǵalıev, Túrkistan oblysynyń ákimi О́. Shúkeev, Pavlodar oblysynyń ákimi B. Baqaýov baıandady.
Premer-Mınıstr A. Mamınge qazirgi ýaqytta qala aýmaǵyn ınjenerlik barlaý, mınasyzdandyrý boıynsha jumystar jalǵastyrylyp jatqany, órt sóndirý eskerilgeni, azamattardy óz úılerine qaıtarý jáne olardyń mal-múlkiniń qorǵalýyn qamtamasyz etý boıynsha sharalar qabyldanyp jatqany týraly baıandaldy. Aýmaqtarǵa júrgizilgen tekserýler ekologııalyq jaǵdaıǵa qaýip tónip turmaǵanyn kórsetti.
«О́zderińiz biletindeı, Elbasy men Memleket basshysy qalany jedel qalpyna keltirýdi tapsyrǵan bolatyn. Bizge Arys qalasyn shuǵyl qalpyna keltirý boıynsha barlyq kúsh-jigerimizdi jumyldyrý qajet. Biz Arys qalasyndaǵy barlyq zaqym kórgen jáne buzylǵan nysandardy 2019 jyldyń 1 tamyzyna deıin jóndep, salýymyz kerek.Barlyq mindetter ońtaıly, sapaly ári ýaqytyly oryndalýy kerek», - dedi Premer-Mınıstr.
Qalany qalpyna keltirýge elimizdiń barlyq óńirleri atsalysady. Zardap shekken turǵyn úı ǵımarattary oblystar arasynda bólinedi, olar qurylys brıgadalaryn jiberýi kerek. Arys qalasyna barlyq oblystardyń, Nur-Sultan jáne Almaty qalalalarynyń ákimderiniń orynbasarlary qurylys jumystaryn uıymdastyrý úshin keldi. Memlekettik materıaldyq qordan barlyq qurylys materıaldary bólingen.
Keńes qorytyndysy boıynsha QR Úkimetiniń basshysy A. Mamın qalanyń tirshiligin qalypqa keltirý jáne onyń áleýmettik-ekonomıkalq damýyn qamtamasyz etý úshin 10 keshendi sharany atap aıtty.
1. Bir aı ishinde qaladaǵy barlyq turǵyn úılerdi jóndep bitirý;
2. Qosymsha áleýmettik qoldaý sharalary retinde qalanyń árbir turǵynyna (44 tys. 781 chelovek) bir mezettik 100 myń teńge kóleminde ótemaqy tóleý;
3. Arys qalasynan 4 myń bala saýyqtyrý lagerlerine jiberiledi;
4. Áleýmettik nysandardy jóndeýdi ulttyq kompanııalardyń kómegimen iske asyrý kózdelgen, sondaı-aq qurylys jumystaryna iri ónerkásiptik kásiporyndar men bızens qaýymdastyq tartylatyn bolady. 66 áleýmettik nysandy «Samuryq-Qazyna» UÁQ» jóndeıdi.
5. Bıznestiń áleýmettik jaýapkershiligi aıasynda 300-den astam ShOB kásipornyna «Atameken» UKP arqyly iri bıznes qarajaty esebinen qalpyna keltirý jáne jóndeý jumystarynda kómek kórsetiledi;
6. Qala kásipkerlerine a.j. 1 shildesinen bastap 5 mln teńgege deıin jeńildikpen nesıeler beriledi. Bıylǵy jyldyń sońyna deıin salyqtyq kanıkýldar usynylady;
7. Injenerlik ınfraqurylyma, elektrmen jabdyqtaý jáne baılanys Úkimet qorynan qarajat esebinen qalpyna keltiriledi;
8. Gaz jáne sýmen jabdyqtaý júıelerin jańǵyrtý jáne qaıta jóndeý josparlanǵan;
9. Medısınalyq qyzmet kórsetý sapasyn arttyrý maqsatynda qala turǵyndaryna arnalǵan aýrýhana men eki emhana salynady;
10. 2 apta boıy qarý-jaraqtar áketile bastaıdy. Arsenal qaıta ornalastyrylady.
Aldyn ala baǵalaýlar boıynsha, 104 kópqabatty turǵyn úı, 7 200-ge jýyq jeke menshik úı, 14 mektep, 2 aýrýhana, 28 balabaqsha, aýmaqtyq memlekettik organdar ǵımarattary zardap shekken.
