Endi Saıran, Tastaq jáne onyń mańyndaǵy aýdandardyń turǵyndaryna AITV-ahýalyn anyqtaý úshin arnaıy JITS ortalyǵyna barýdyń qajeti joq. Almatylyqtar testi tegin jáne qalaýymen jasyryn túrde tapsyra alady jáne psıhoáleýmettik keńes ala alady. Sondaı-aq zerthanalyq nemese jedel testileý ádisin tańdaýǵa bolady. Sońǵy jaǵdaıda AITV-mártebesi 15-20 mınýttan keıin belgili bolady. Jańa pýnkt Tastaq bazarynyń janyndaǵy «Al-Barı» saýda-oıyn-saýyq ortalyǵynda ornalasqan.
– Qan alý pýnkti barlyq qajetti jabdyqtarmen jabdyqtalǵan. Taldaýdyń ózi ortalyqta joǵary tehnologııalyq jabdyqta mamandandyrylǵan zerthanada júrgiziledi. Zerthana QR ST 15189-2015 ISO halyqaralyq úlgisindegi akkredıtteý attestatyn aldy. Qan alý prosesimen jáne taldaý júrgizýmen joǵary bilikti mamandar aınalysady, – deıdi Almaty qalalyq JITS-tyń aldyn alý jáne oǵan qarsy kúres ortalyǵynyń bas dárigeri Marat Túkeev.
Qan alý pýnktinde sondaı-aq, jynystyq jolmen beriletin ınfeksııalarǵa, gepatıtterge jáne basqa da aýrýlarǵa analızderdi tapsyrýǵa múmkindik bar. Turǵyndardyń ótinishi boıynsha dárigerler aptasyna alty kún jumys isteıdi.
AITV-ǵa testileý jónindegi mamandandyrylǵan zerthananyń qosymsha qan alý pýnkti ashylýy AITV indetin tejeýde túbegeıli sharalar qabyldaý jónindegi Parıj deklarasııasyna qol qoıý aıasynda Almaty – Ortalyq Azııadaǵy birinshi qala – Densaýlyqty qorǵaý jónindegi sharalardyń qısyndy jalǵasy bolyp tabylady.
ALMATY
