QR IIDM derekteri boıynsha, «Nurly jer» baǵdarlamasynyń aıasynda kópbalaly otbasylar úshin turǵyn úı satyp alýǵa jáne salýǵa qarjy qarastyryldy. Respýblıkalyq bıýdjetten jylyna 2 mlrd teńge bólý josparlanýda nemese 7 jylda 150 mlrd teńgeni quraıdy. Jyl saıyn turǵyn úımen 6 myń kópbalaly otbasy qamtamasyz etiletin bolady. 7 jylda 40 myń otbasy. Osy jyldyń mamyr aıynan bastap 1480 kópbalaly otbasyǵa baspana berildi.
Nur-Sultan, Almaty, Shymkent qalalaryndaǵy jumys jasaıtyn jastardyń eńbek mobıldiligin qamtamasyz etý úshin 2019-2021 jyldary jylyna 1 myń jaldamaly páterlerdiń qurylysy josparlanǵan.
«Memleket basshysynyń tapsyrmasyna sáıkes jumys jasaıtyn jastar úshin jaldamaly turǵyn úılerdi satyp alýǵa jáne salýǵa qarjylandyrý kólemi ulǵaıýda. Bul bizge jumys jasaıtyn jastarǵa 2019, 2020 jáne 2021 jyldary 3 myń jaldamaly páterden berýge múmkindik beredi», — dedi R. Sklıar.
QR Turǵyn úı qurylys jınaq banki kópbalaly, tolyq emes otbasylarǵa jáne múgedek balalary bar otbasylarǵa turǵyn úı alýǵa jyldyq 2%-ben 10% alǵashqy jarnamen jeńildetilgen nesıe berýdi bastady. Bul maqsattarǵa úsh jyl ishinde 150 mlrd teńge bólý qarastyrylǵan. Jyl saıyn áleýmettik kómekpen 6 myń otbasy qamtylatyn bolady.
QR Ulttyq bankimen birge jaldamaly turǵyn úıdi damytýǵa jeke ınvestorlardy tartý tetigi ázirlenýde, osynyń esebinen qosymsha 10 myń jaldamaly páter salýǵa múmkindik beredi jáne jylyna 20 myń otbasyny baspanamen qamtamasyz etedi.
Áleýmettik turǵyn úıdi úılestirý tetigin jetildirý jáne bul prosessterdiń aıqyndylyǵyn joǵarylatý boıynsha jumystar júrgizilip jatyr. Bul úshin Biryńǵaı respýblıkalyq avtomattandyrylǵan kezekte turýshylardyń bazasy qurylýda. Azamattar óz kezekteriniń jyljýyn onlaın rejımde qadaǵalaı alady.
«Jalpy qabyldanyp otyrǵan sharalar turǵyn úıge muqtaj azamattardyń máselesin qysqa merzimde sheshýge múmkindik beredi. Memleket basshysynyń barlyq tapsyrmalary ýaqytyly jáne tolyq oryndalatyn bolady», — dedi mınıstr.
