Tabıǵattyń sulýlyǵy, qazaq turmysynyń janǵa jylylyǵy, balalyq shaq taqyryby Qarlyǵashty keskindemelik kompozısııalardy jasaýǵa qanattandyrady.
«Tekeli», «Qyzyl ólke», «Saıram sýy», «Tań» atty týyndylarynda týǵan ólkeniń saf taza túsi berilgen. «Ana», «Mádına», «Balalyq shaq», «Baq ishinde», «Bir kese sý» jumystary kúndelikti ómirdiń qýanysh energııasyna toly. Q. Qarlyǵashtyń keskindemesi álemdi ótken zamannyń obrazdary qazirgi zamanmen erkin úılesim tabatyn onyń jeke óziniń qabyldaýyna negizdelgen. Keskindemelerdiń tústik jáne kompozısııalyq sheshimi, sýrettelgen beınelerdi tehnıkalyq berýge jasaǵan eksperımentteri sýretshiniń óziniń dúnıeni sezinýin jarqyn da yqsham mánerde kórsetýge umtylatynyn dáleldeıdi», dedi kórme jetekshisi Gúlnur Jubanova.
Qanseıt Qarlyǵash Á. Qasteev atyndaǵy Shymkent kórkemsýret mektebin támamdady. 1993 jyldan sol ózi oqyp, túlep ushqan mektebinde sabaq beredi. 1995 jyldan Qazaqstan Sýretshiler odaǵynyń múshesi. Halyqaralyq, respýblıkalyq jáne qalalyq kórmelerdiń qatysýshysy.
ALMATY
