Esil aýdanynyń ákimi qyzmetine Berik Jakenovtiń kandıdatýrasy usynyldy. Máslıhat depýtattary usynylǵan kandıdatýrany biraýyzdan maquldady.
Berik Oraluly Jákenov 1978 jylǵy 25 tamyzda Selınograd qalasynda dúnıege kelgen. «Ekonomıst» mamandyǵy boıynsha Shákárim atyndaǵy Semeı memlekettik ýnıversıtetin aıaqtaǵan, Qaztutynýodaǵynyń Qaraǵandy ekonomıkalyq ýnıversıtetinde «Memlekettik jáne jergilikti basqarý» mamandyǵy boıynsha ekonomıka ǵylymdarynyń magıstri dárejesin alǵan.
Eńbek jolyn 2000 jyly Aqmola oblysy Kókshetaý qalasynyń Salyq polısııasy organdarynan bastaǵan.
2001 jyly Qazaqstan Respýblıkasynyń Qarýly Kúshteriniń 83205 á/b qyzmet etken. Astana qalasy boıynsha Salyq komıtetiniń aqparattyq júıelerdi engizý jáne súıemeldeý bóliminiń mamany, Qazaqstan Respýblıkasynyń salyqtyq organdarynda úlken qyzmet ótili bar.
2007-2009jj. Qaraǵandy oblysy ákiminiń keńesshisi boldy.
2009 jyly Qaraǵandy oblysy boıynsha Salyq departamenti bastyǵynyń orynbasary laýazymyna taǵaıyndaldy.
2010 jyly Astana q. «Nur Otan» HDP hatshylyǵynyń meńgerýshisi, 2011-2014 jyldary Qazaqstan Respýblıkasynyń Qarjy mınıstrliginde qyzmet etip, keıin Astana qalasy boıynsha Memlekettik kirister departamentiniń «Saryrarqa» aýdany boıynsha Salyq basqarmasyn basqardy.
2015 jyly Qazaqstan Respýblıkasy Prezıdenti Ákimshiligi Basshysy hatshylyǵynyń meńgerýshisiniń orynbasary qyzmetine taǵaıyndaldy. Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory laýazymyn atqardy.
2016 jylǵy qazannan bastap osy kúnge deıin Nur-Sultan qalasy ákimi apparatynyń basshysy boldy.
