Onda endi Otan joq
Beısenbi, 13 maýsym 2013 2:33
Myna qazirgi ómirdiń bar qundylyǵy aqshamen ǵana baǵalanyp turǵan zamanda 6 mıllıard dollardy qaltaǵa basyp, shetel asý, onda saırandap ómir súrý qazaqstandyq qashqyn bankır Muhtar Ábilázovtiń asqan alaıaqtyǵynyń shekten shyqqandyǵynan týyndaǵan jaıt bolyp otyr. Biraq onyń bul alaıaqtyǵy alysqa jibermeı etegine aıyrylmastaı qylmystyq is bolyp jabysty. Sonan «Baıtal túgil bas qaıǵy» degendeı, endi kúndelikti kórer jaryǵynyń ózi azaıyp, naqty túrmege toǵytylar ýaqyttyń da taıaǵanyn sezgendeı alasurýda.
Beısenbi, 13 maýsym 2013 2:33
Myna qazirgi ómirdiń bar qundylyǵy aqshamen ǵana baǵalanyp turǵan zamanda 6 mıllıard dollardy qaltaǵa basyp, shetel asý, onda saırandap ómir súrý qazaqstandyq qashqyn bankır Muhtar Ábilázovtiń asqan alaıaqtyǵynyń shekten shyqqandyǵynan týyndaǵan jaıt bolyp otyr. Biraq onyń bul alaıaqtyǵy alysqa jibermeı etegine aıyrylmastaı qylmystyq is bolyp jabysty. Sonan «Baıtal túgil bas qaıǵy» degendeı, endi kúndelikti kórer jaryǵynyń ózi azaıyp, naqty túrmege toǵytylar ýaqyttyń da taıaǵanyn sezgendeı alasurýda.
О́ıtkeni, elimizdiń ádil zańy boıynsha qolymen istegen qylmysyn kez kelgen adam moınymen kóterýge tıis. Al Ábilázov ne istemedi deısiz? Sonyń bir paraǵyn aıtar bolsaq, kezinde «BTA Bank» boıynsha ǵana Muhtar Ábilázovtiń alaıaqtyq isteri elden shyǵyp, shetel asty. Sóıtip, alǵashynda Qazaqstandyq banktiń Máskeýdegi Kýtýzov dańǵylynda ǵımarattary paıda boldy. Bul ǵımarat jóninde «BTA Bank» AQ pen «AIST» JShS 2008 jyldyń 7 qarashasynda kelisim jasaǵan.
Bul qujat boıynsha, «AIST» JShS 24 mıllıon dollardy nesıe retinde «BTA Bankten» alyp, Kýtýzov dańǵylyndaǵy 1464 sharshy metrlik ǵımarat pen kompanııanyń 100 paıyz úlesin úsh aıdyń ishinde rásimdep, kepildikke qoıýy kerek bolatyn. Biraq «AIST» kepildikke qoıý jónindegi mindettemelerin oryndaǵan joq, al nesıege alǵan aqshany offshorlyq kompanııalar arqyly shetel asyryp jiberdi. О́ıtkeni, nesıe berilgen kezde «BTA Banktiń» de, «AIST» JShS-nyń da ıesi Muhtar Ábilázov bolatyn. Osylaısha, Muhtar Ábilázov bastaǵan qylmystyq top «BTA Bank» pen «Temirbank» nesıelerin ózderiniń fırmalaryna úlestirgen. Iаǵnı, eki banktiń qarajatyn da, joǵaryda aıtqanymyzdaı, aıaýsyz shashyp talan-tarajǵa salǵan.
Onyń ústine, ol 2008 jyldyń qarasha-jeltoqsan aılarynda Reseıdegi «BTA» «Reseı Bankinen» 24 mıllıard rýbl alyp, ol qarajatty valıýtaǵa aıyrbastap, bir kúndik fırmalar arqyly shetel asyrǵan. Onyń «Evrazııa» dep atalatyn ınvestısııalyq-ónerkásiptik toby «Sogaz» saqtandyrý tobyna «Volna» dep atalatyn bıznes-ortalyǵyn 140 mıllıon dollarǵa satyp jibergen.
Álemge áıgili «BTA Bankti» 1992 jyldan beri Ýkraına da jaqsy biledi. Qazaqstandyq «BTA Bank» pen «BTA Bank Ýkraınanyń» arasynda ýkraınalyq banktiń 39,99 paıyz aksııasyna qatysty daý órshidi. Qazaqstan jaǵy satyp alǵan aksııany óz qolynda ustap qalý úshin banktiń atyn da ózgertpekshi boldy. Osylaısha, TMD tóńiregindegi salmaqty bankterdiń birin talan-tarajǵa salǵan Muhtar Ábilázovtiń kesirinen qazir kórshiles elde uzaqqa sozylǵan daýly áńgimeler shegine jetti. Qashqyn bankırdiń ustalatyn ýaqyty jetti. Jaqynda ǵana Italııada qashqyn olıgarh otbasymen jasyrynyp jatqany anyqtalǵanda, áttegen-aı, onyń ózi bolmaı qaldy. О́ıtkeni, ózgelerdi satyp úırengen satqyn bankırge, jeme-jemge kelgende, otbasyn da otqa tastap ketý qıyndyq keltirmegen sekildi.
Almas BOLATOV.
