Juldyzdy sát
Seısenbi, 1 qańtar 2013 8:27
Zymyran ýaqyttyń taǵy bir jyly artta qaldy. О́tken jylǵa shyǵysqazaqstandyqtardyń ókpesi joq. Kendi Altaı jurtshylyǵy 80 jyldyq mereıtoıyn asta-tók atap ótpese de, el esinde qalatyndaı mándi de sándi ótkizdi. Sport saraıyna jınalǵan alty myńǵa tarta oblys jurtshylyǵy ásem án men tátti kúıdi tyńdap, oblystyń órkendeýi jaıly fılmdi, teatrlandyrylǵan kórinisterdi tamashalady.
Seısenbi, 1 qańtar 2013 8:27
Zymyran ýaqyttyń taǵy bir jyly artta qaldy. О́tken jylǵa shyǵysqazaqstandyqtardyń ókpesi joq. Kendi Altaı jurtshylyǵy 80 jyldyq mereıtoıyn asta-tók atap ótpese de, el esinde qalatyndaı mándi de sándi ótkizdi. Sport saraıyna jınalǵan alty myńǵa tarta oblys jurtshylyǵy ásem án men tátti kúıdi tyńdap, oblystyń órkendeýi jaıly fılmdi, teatrlandyrylǵan kórinisterdi tamashalady. Elýden astam eńbek ozattary memlekettiń ordenderi men medaldarymen marapattaldy. О́ner men mádenıet salasynyń qyzmetkerleri, oblystyq Pýshkın atyndaǵy kitaphananyń dırektory Habıba Aqjigitova uzaq jylǵy jemisti qyzmeti úshin «Qurmet» ordenimen marapattaldy. «Qalamqas» ansambliniń ánshisi B.Shaǵataeva «Qazaqstannyń eńbek sińirgen qaıratkeri» ataǵyna ıe boldy. Qojalyq ıesi V.G.Vorapaı «Barys» ordenin, óndiris ozattary men qojalyq ıeleri memlekettik nagradalardy omyraýyna taqty. Olarǵa óńir basshysy B.Saparbaev saltanatty jaǵdaıda qurmet kórsetti.
2013 jyly shyraıly Shyǵysta eleýli jańalyqtar bolmaq. О́skemendegi Jambyl atyndaǵy oblystyq drama teatryna júz jyldan asty. Tarıhı eskertkishke jatatyn drama teatryna budan tórt jyl buryn «Jol kartasy boıynsha 43 mıllıon teńgege kúrdeli jóndeý júrgizilgen edi. Biraq eskiniń aty eski. Teatrdyń eki aıaǵynan tik turýyna erekshe eńbek sińirgen talantty rejısser ári dırektory Rústem Esdáýletov jańa teatr qurylysyn salý jóninde óńir basshysyna naqty dálel keltirip júrip, jańa qurylystyń bastalýyna muryndyq bolǵan. Aqyry 600 oryndyq jańa teatrdyń qurylysy 2011 jyly bastaldy. Amanshylyq bolsa, teatr 2013 jyly ashylyp, oǵan talantty rejısser, akter, aqyn Rústem Esdáýlettiń esimi berilmek.
О́ńirde mádenıet salasyna erekshe kóńil bólingen. Katonqaraǵaı aýdanynyń Úlken Naryn aýylynda О́ner úıi ashylmaq. Sondaı-aq, Ulan aýdanynyń Saǵyr jáne Taıynty aýyldarynda klýbtar ashylmaq. Osydan úsh jyl buryn Tarbaıǵataı aýdanynyń birneshe eldi mekenderinde tasqyn sý bolyp, birneshe aýyldarda júzdegen turǵyn úıler isten shyqqan. Ásirese, Kókjyra jáne Jántekeı aýyldary qatty zardap shekti. Atalǵan eki aýylda bes júzge tarta turǵyn úı, áleýmettik mekemeler iske qosyldy. Jańa jylan jylynda eki aýylda da kún talabyna saı Mádenıet úıleri boı kótermek. Zaısan aýdanynda da 60 páterlik turǵyn úı, birneshe klýb ashylmaq. Qarashoqydaǵy balalar demalatyn oryn, aýdan ortalyǵyndaǵy Báıterek, Táýelsizdik monýmenti alystan menmundalaıdy.
«О́skemen qus fabrıkasy» jaýapkershiligi shekteýli seriktestigi qazir jylyna 20 myń tonna et óndirip jatyr. Kásiporyn onyń damýyna taıaýdaǵy úsh-tórt jylda 6 mıllıard teńge qarjy salmaq. 2013 jyly kásiporyn qus etinen birneshe túrli shujyq taǵamdaryn shyǵarýdy mejeledi.
«Azııa-Avto» kólik qurastyrý zaýytynda bul kúnderi júrdek te sapaly 20-ǵa tarta tulpar qurastyrylyp shyǵarylyp jatyr. Kásiporyn basshysy Erjan Mándıevtiń aıtýynsha, 2013 jyly zaýytta sheteldiń birneshe jańa túrin shyǵarýda jumystar atqarylyp jatyr. Elimizdegi tuńǵysh avtokólik qurastyrý zaýyty Reseıdiń «Lada» korporasııasymen birlesip, aldaǵy ýaqytta sapaly mashınalar shyǵarýda izdenis pen ilkimdilik tanytýda. Al Semeı qalasyndaǵy «SemAZ» jaýapkershiligi shekteýli seriktestigi 2013 jyldyń sońynda «Belarýs» traktorynyń jańa túrin shyǵarýdy mejelep otyr. Oǵan qosymsha Koreıanyń kásipkerlerimen birlesip atalmysh óndiris ornynda «Jedel járdem» kóligin shyǵarý da júzege aspaq. Jaqynda oblys ákimi B.Saparbaev Ońtústik Koreıaǵa sapary kezinde eki jaqty kelisige qol qoıdy. Jylan jylynda Úrjardan Almatyǵa tóte ushatyn ushaq shalǵaıdaǵy aýdan turǵyndaryn qýanyshqa bólegeli otyr.
«Kazsınk», «О́skemen tıtan-magnıı kombınaty», «Shyǵys Qazaqstan máshına jasaý zaýyty» ujymdary jańa jyldan úmit kútedi. Oblys boıynsha jalpy quny 611,9 mıllıard teńge bolatyn 39 ınvestısııalyq joba elimizdiń ındýstrııalandyrý kartasyna engizilgen. Onyń birazy júzege asty. Bul joba tolyǵymen júzege asqanda 22,2 myń adam jumyspen qamtamasyz etilmek.
Shyraılanǵan Shyǵystyń sharyqtaǵan shaǵy tolaıym tabystarmen el esinde qalmaq.
Ońdasyn ELÝBAI,
«Egemen Qazaqstan».
О́SKEMEN.
