Dostastyqtaǵy biregeı kásiporyn
Sársenbi, 9 qańtar 2013 7:20
TMD aýmaǵyndaǵy rentgen apparattaryn shyǵaratyn biregeı kásiporyn – «Aqtóberentgen» aksıonerlik qoǵamy jańa jylǵa mol tartýmen keldi. Burynǵy jyldarǵa qaraǵanda, óndiris kólemi keńeıip, óndiristik kórsetkishterde ilgerileý boldy. Jańa tehnologııalyq jobalardy júzege asyrýda zaýyttyń ınjener-tehnık qyzmetkerleri jyl ótken saıyn belsendilik tanytýda. Sonyń nátıjesinde kásiporyn qazir álemdik standarttarǵa saı ónimder shyǵaryp,
Sársenbi, 9 qańtar 2013 7:20
TMD aýmaǵyndaǵy rentgen apparattaryn shyǵaratyn biregeı kásiporyn – «Aqtóberentgen» aksıonerlik qoǵamy jańa jylǵa mol tartýmen keldi. Burynǵy jyldarǵa qaraǵanda, óndiris kólemi keńeıip, óndiristik kórsetkishterde ilgerileý boldy. Jańa tehnologııalyq jobalardy júzege asyrýda zaýyttyń ınjener-tehnık qyzmetkerleri jyl ótken saıyn belsendilik tanytýda. Sonyń nátıjesinde kásiporyn qazir álemdik standarttarǵa saı ónimder shyǵaryp, salalas óndiris oryndary arasynda kósh bastaýda. 2007 jyly «Qazaqstannyń Damý Banki» AQ-tyń qoldaýymen Eýropanyń birqatar elderinde, Kanada men Japonııada shyǵarylǵan zamanaýı quraldarmen jabdyqtalǵan kásiporyn óndiristiń jańa deńgeıine ótken bolatyn. Investısııalyq jobanyń 2006-2008 jyldardaǵy birinshi kezegin júzege asyrýdyń nátıjesinde aksıonerlik qoǵamnyń óndiristik bazasy aýyr rentgen tehnıkasynyń burynǵydan da kóp túrin daıyndaýǵa múmkindik aldy. Osynda shyǵarylatyn «ARMAN» rentgen apparattary men «FlıýARkom» flıýorografııalyq kabınetteri ár emhanada, ár aýrýhanada tur desek, artyq emes. 20-30 jyldan beri shyǵarylyp kele jatqan «ARMAN» markaly apparattar Qazaqstannyń ǵana emes, Reseıde de, Ýkraınada da suranysqa ıe.
Munda sondaı-aq, ıtalııalyqtarmen birlesip «ARDIAGNOST» dıagnostıkalyq kesheni shyǵarylady. Úkimettiń daǵdarystan keıingi ýaqytta ekonomıkany dıversıfıkasııalaı otyryp, shıkizatqa baǵynyshtylyqtan ketýdi ustanǵan daǵdarysqa qarsy baǵdarlamasynyń aıasynda kásiporynda óndiristi uıymdastyrý jáne aýyr medısınalyq rentgen tehnıkasy salasynyń tarmaǵyn qurý jobasy jasalǵan. Aksıonerlik qoǵam óziniń óndiristik bazasynda óte kúrdeli joǵary tehnologııaly medısınalyq rentgen tehnıkasy – kompıýterlik tomografııa daıyndaýdy qolǵa aldy. Elimizdiń mashına qurylysy salasyndaǵy ınnovasııalyq, serpindi baǵdarlama bolyp esepteletin údemeli ındýstrııalyq-ınnovasııalyq damý baǵdarlamasynyń aıasynda daıyndalǵan on alty qımaly alǵashqy qazaqstandyq kompıýterlik tomografııa Aqtóbedegi emhanalardyń birine ornalastyryldy. Bul jobany júzege asyrý, ıaǵnı kásiporynnyń óte qarapaıym jáne jeńil palatalyq apparattardy óndirýden rentgen-dıagnostıkalyq keshender men kompıýterlik tomografııa sekildi kúrdeli ónimder men aqparattyq júıelerge aýysýy Qazaqstandaǵy mashına qurylysy salasyna tyń serpin berdi. Qazir básekege qabilettilik deńgeıiniń kórsetkishi boıynsha bul zaýyttyń ónimderi medısınalyq maqsattaǵy rentgen-dıagnostıkalyq apparattar daıyndaý salasynda burynǵy keńestik elderdiń kásiporyndary arasynda úzdik bestikke kiredi.
Kásiporyn sandyq kompıýterlik tehnologııa, joǵary jıiliktegi qýat beretin qurylǵylar, mıkroprosessorlyq jáne esepteý tehnıkasy salasyndaǵy ozyq jetistikter negizinde rentgen-dıagnostıkalyq medısınalyq apparattar túrin kóbeıtýdi, olardy odan ári jetildirýdi kózdeýde. Qazir «Aqtóberentgenniń» ónimderin álemniń jıyrmadan astam eli paıdalanyp otyr. Olardyń arasynda «JEŃIS», «SANJAR» stasıonarlyq rentgen flıýorografııalyq apparattary, birinshi medısınalyq járdem kórsetetin jyljymaly «ARGALEN» kesheni, bakterıologııalyq jyljymaly «ARRAZI» zerthanasy, jyljymaly dezınfeksııalaýshy «ARHIMED» kesheni jáne basqalarynyń tehnıkalyq parametrleri boıynsha deńgeıi postkeńestik keńistiktegi elderdegi kásiporyndary shyǵaratyn osyndaı ónimdermen salystyrǵanda áldeqaıda joǵary, anaǵurlym sapaly. Munda Densaýlyq saqtaý mınıstrliginiń apattyq medısınalyq qyzmeti úshin jyljymaly gospıtal jasaý júıege tústi. Kóp fýnksııaly jyljymaly medısınalyq keshen tótenshe jaǵdaı bolǵan aımaqta, qaıǵyly jaǵdaılar oryn alǵan oshaqtarda qoldanylady. Kásiporynnyń «Qazaqstan Respýblıkasynyń 2015 jylǵa arnalǵan kólik strategııasyn» júzege asyrý barysynda jasalǵan serpindi ónerkásiptik jobasy – «ARSKAN» ınspeksııalyq-tekserý kesheniniń jobasy daıyndaldy. Bul keshenniń bazasynda júk kólikterin ashyp-jappaı-aq kedendik tekserýden ótkizýge bolady eken.
Mammografııalyq, hırýrgııalyq, ýrologııalyq, stomatologııalyq jáne basqa mamandandyrylǵan rentgen-dıagnostıkalyq tehnıkalardyń taǵy bir tolqynyn odan ári óndirý, jasaý, shyǵarý kásiporynnyń kúndelikti josparyndaǵy jumystar. Jalpy, kásiporynda 200-den astam adam eńbek etedi. Aksıonerlik qoǵam jumysshylarynyń ortasha eńbekaqysy 90 myń teńge shamasynda. Olarǵa eńbek jáne óndiristik jaǵdaı týǵyzylǵan, áleýmetttik qoldaý da jaqsy.
Satybaldy SÁÝIRBAI,
«Egemen Qazaqstan».
