«Kóbelek aýrýy» deıtin kesel bar

Aýrý atyna sáıkes, naýqastyń terisi kóbelek qanaty ispetti úl­­­birep, ári kúldirep, qyshyp, qa­byr­shaqtanyp turady. О́mir boıy kútimdi qajet etetin kúl­diregen jaralar tipti, bolym­syz jaraqattardan da, keıde bir­den ózdiginen paıda bola beredi. Jazylmaıtyn aýrý, juqpaıdy, naqty bir genderdiń mýtasııalanýynan paıda bolyp, tuqym qýalaıdy. Qursaqta jatqan kezde-aq klınıkalyq belgileri bilinetin dertpen týǵan bul balalar erekshe kútimdi qajet etedi. Aýrýdy asqyndyrmaý úshin mamandarǵa ǵana emes, ata-anasyna da kóp qa­jyr-qaırat jumsaýǵa týra keledi.

Al Qazaqstanda týabitti býllezdy epıdermolız dıagnozy qoıylǵan 56 bala bar. Onyń 50%-y 5-15 jas aralyǵynda. 

Jaqynda Almatydaǵy Pedıa­­trııa jáne balalar hırýr­gııasy ǵylymı ortalyǵynda «Qazaq­standaǵy býllezdy epıdermolızge shaldyqqan naýqas balalardy emdeý, dıagnostıkalaý men medısınalyq kómek be­rýdiń zamanaýı aspektileri» taqy­rybynda semınar ótken edi. Pedıatrııa ortalyǵy men «Kó­belek balalar» qaıyrym­dylyq qorynyń uıymdas­tyrýymen ótken semınarǵa elimizdiń barlyq aımaǵynan dermatolog, dermavenerolog, kardıorevmotolog, pedıatr mamandarymen qatar QR Dermatologııa jáne juqpaly aýrýlar ǵylymı ortalyǵynyń dárigerleri qatysty. 

Sheberlik synybyna Máskeý­degi Mölnlycke Health Care kompa­nııasynyń qoldaýymen, osy dertti emdeýge mashyqtanǵan Halyqaralyq genetıkalyq dermatozdar qaýymdastyǵynyń dárigerleri arnaıy shaqyryldy. 

Reseılik mamandar semınar­da býllezdy epıdermolızge shal­dyqqan balalardy emdeý men dıagnostıkalaý, medısınalyq joǵary deńgeıde kómek kórse­tý, zamanaýı tańǵyshtardy paı­dalanýdyń ádis­teri, jańa týǵan náresteler men bala­lardyń neonataldyq jáne pe­dıa­trııalyq aspektileri boıynsha dáris oqyp, Reseıdiń keshendi emdeý tájirıbesimen bólisti. 

Semınar aıasynda maman­dar «Kóbelek aýrýyna» shal­dyqqan balalardy qarap, sheber­lik synypqa qatysýshylar men ata-analardy mazalaǵan suraq­taryna jaýap berdi.