Shelek fermerleri sýpermarketterge kókónisterin jetkize bastady

«Shelek fermerleriniń» ónimi Almaty qalasyndaǵy «Arzan» sýpermarketter jelisinde jáne Almaty, Nur-Sultan, Qaraǵandy, Pavlodar, Shymkent, О́skemen qalalaryndaǵy «MetroCash&Carry» saýda ortalyqtarynda satylatyn bolady.

Osy maýsymda «Shelek fermerleri»Qazaqstannyń sýpermarketterine, onyń ishinde tomat pastasy men ketchýp shyǵaratyn iri óndiristik kásiporyndardyń biri «SınKaz» JShS-ne 300 tonnadan astam kókónis jetkizýdi josparlap otyr, bul 2018 jylǵa qaraǵanda eki ese kóp.

Qazaqstannyń iri qalalarynyń turǵyndaryna endigi jerde qyzanaqtyń, buryshtyń, qııardyń, kádiniń túrli sorttary, kartop jáne alma, qarbyz ben qulpynaı sııaqty basqa da aýylsharýashylyǵy ónimderi qoljetimdi bolady.

Bıyl «Shelek fermerleri» kókónis qabyldaý pýnkti men suryptaý pýnktteriniń qurylysyn júrgizip jatyr. Sondaı-aq sýpermarketterdiń ótinishi boıynsha avtorefrıjerator satyp alynǵan. Suryptaý pýnktinde aýyl sharýashylyǵy ónimderi suryptalady jáne brend ydysqa salynady. Sodan keıin ol kókónis qoımasynda salqyndatylady, al tańerteń óz ıeligindegi refrıjerator kókónisterdi Almaty sýpermarketterine jetkizedi.

«Bir jyl buryn «Shelek fermerleriniń» ónimderi bizdiń Almatydaǵy saýda ortalyǵymyzda paıda boldy jáne birden bizdiń tutynýshylarymyzdyń laıyqty baǵasyn aldy. Kooperatıv taýarlaryn saqtaý jáne tasymaldaý júıesindegi sońǵy ózgeristerdiń arqasynda bizde «Shelek fermerleri» ónimderin bizdiń dúkenderimiz ornalasqan basqa da qalalarǵa jetkizý múmkindigi bar. Biz bizben birge ónim jetkizýshilerimizdiń ósip, damyp kele jatqanyna qýanyshtymyz, sebebi munyń nátıjesinde eldiń ekologııalyq taza aýdanynda ósirilgen tabıǵı, jergilikti ónimdi satyp alýǵa múmkindigi bar qazaqstandyq tutynýshy jeńedi», - deıdi METRO Cash&Carry kommersııalyq dırektory Natalıa Marhıeva.

«Shelek fermerleri» jobasyn Eńbekshiqazaq aýdanynyń jergilikti qaýymdastyqtar  qory (JQQ) 2014 jyldan beri «Fılıp Morrıs Qazaqstan» kompanııasynyń qoldaýymen iske asyryp keledi. Jáne bul joba fermerlik sharýashylyqty júrgizýdiń barlyq kezeńderin qamtıdy – josparlaý men tuqymdardy otyrǵyzýdan bastap fermerdiń sońǵy paıdany alýyna deıin. Kooperatıvke kirgen fermerler trenıngterge, semınarlarǵa belsendi qatysady, Agrobıznes-ortalyqta agronomdarmen keńesedi, sondaı-aq basqa óńirlerden kelgen fermerlermen tájirıbe almasady. Agrobıznes-ortalyq zamanaýı agrotehnologııalarǵa, logıstıkalyq tizbekti qurý negizderine, sondaı-aq aýyl sharýashylyǵyndaǵy menedjment pen marketıngke úıretedi. Fermerler tamshylatyp sýarý ádisin, aspalarda qyzanaqty ósirý, mýlcha-taspasyn qoldanýdy, arka jylyjaılaryn paıdalaný jáne basqa da ozyq tehnologııalardy ıgerýde.

«Qazir bizdiń basty mindetimiz bizdiń áleýetti satyp alýshylarymyzdyń qajettilikterin zertteý bolyp tabylady, biz iri sýpermarketter men óńdeýshi kásiporyndardyń bizdiń tarapymyzdan ne kútetinin túsingimiz keledi. Biz dúkenderge arnalǵan qujattamany, suryptaýdy, kalıbrleýdi jáne ónim qaptamasyn naqty jolǵa qoıdyq. Sýpermarket sapany saqtaı otyryp, alystaǵy óńirlerge jetkize alýy úshin biz salqyndatylǵan ónimdi jetkizý tehnologııasyn pysyqtadyq.Biz ósýdemiz, bizdiń fermerlerdiń bilimi men daǵdylary ósýde, ónim sapasy, logıstıka prosesteriniń sapasy, durys qurylǵan marketıngti túsiný sapasy ósýde.Biz munyń bári fermerlerdiń turaqty damýyna jáne olardyń tabysynyń ósýine alyp keletinine senemiz – bul bizdiń basty maqsatymyz», - deıdi Eńbekshiqazaq aýdany jergilikti qaýymdastyqtar qorynyń atqarýshy dırektory Baqytgúl Elshibaeva.

ALMATY