Eki aptaǵa sozylatyn shara barysynda qıyrdaǵy qandastar balalaryna ana tilin damytý, Qazaqstan tarıhyn oqytý, qazaq halqynyń ádet-ǵuryp dástúrimen tanystyrý, tarıhı oryndardy kórsetý, astanamyzdaǵy aldyńǵy qatarly joǵary oqý oryndaryn aralatý, ulttyq aspaptarda oınaýdy úıretý, qoldanbaly jáne bı ónerine baýlý, ulttyq taǵam daıyndaý, t.b. sheberlik sabaqtaryn úıretý qarastyrylǵan.
Atalmysh sharanyń ashylýynda sóz sóılegen Dúnıejúzi qazaqtarynyń qaýymdastyǵy Tóraǵasynyń birinshi orynbasary Zaýytbek Turysbekov, Elbasy tapsyrmasyna sáıkes shetelderde turatyn qazaq dıasporasy balalarynyń ana tilinde oqýyna, bilim alýyna, tarıhı Otanymen mádenı-gýmanıtarlyq qarym-qatynastaryn arttyrýyna qatysty kóptegen jobalar qolǵa alynyp jatqanyn aıtyp, sonyń biri – aldaǵy tamyz aıynda «Baldáýren» respýblıkalyq oqý-saýyqtyrý ortalyǵynda Dúnıejúzi qazaqtary balalarynyń quryltaıyn ótkizý josparlanyp otyrǵanyn jetkizdi.
