Ádette, ómirde joly ońǵaryla qoımaǵan, jalqaýlyǵy jelkesinen basyp istegen isi keri ketkender óz kemshiligin basqadan izdeýge beıim turady. «Men qansha myqty bolsam da tabysqa jete almaımyn. О́ıtkeni mende joǵaryda súıemeldeıtin tanys joq. Úlken oryndarmen baılanys joq bolǵandyqtan qarjym da joq» dep ózin-ózi aqtap alyp jatady.
Al «100 jańa esim» jeńimpazdary Aıdos Saılyǵaraev, Symbat Ábdirahmanova jáne Halyqaralyq «Parasatty poezııa» festıvaline kelgen Maqpal Mysa búgingi tabystaryna eshkimniń qoldaýynsyz-aq ózderi jetken jastar ókili. Sondyqtan «TedTalks» formatynda ótken kezdesý qyzyqty boldy.
Jıynda Maqpal Mysa poezııa álemindegi oılarymen bólisip, ólenderin oqydy. Shyn talantqa tusaý joq. Shyǵarmashyl jan nıettense alar asýlarynyń bıik bolaryna sendirdi. Árıne, úlken maqsatqa jetý jolynda júıeli bilim kerek.
– Men únemi jastarmen kezdesýge
asyǵyp turamyn. Sóz – adam janynyń emi. Sózdiń qudireti bolsa kerek, elge óleń arqyly
tanyldym. О́leń – meniń taǵdyrym, jetistikke jetkizdi. Sondyqtan da sizderge aıtarym,
tabıǵat bergen talantty barynsha baptap, ony damyta bilý kerek. Sonda ǵana siz tabysty
bolasyz. Úsh jyl qatarynan joǵary oqý ornyna túse almadym. Bar maqsatym ata-anama
salmaq salmaı, jýrnalıstıka mamandyǵy boıynsha memlekettik grant ıegeri ataný boldy.
О́kinishke qaraı, jýrnalıstıka fakýltetine túse almaı, T.Júrgenov atyndaǵy О́ner akademııasynyń
kıno jáne televızııa mamandyǵyn támamdadym. Oqýǵa túsem degenshe, meniń óleńderim
birneshe jyr jınaqqa enip, birneshe ret músháırada jeńimpaz atandym. Qazir
aýdarmamen de aınalysamyn. Men bul armanyma tynymsyz izdenis pen eńbektiń arqasynda
qol jetkizdim. Jýrnalıstıka salasynda eńbek etip kelemin. Sondyqtan sizderge de
osyndaı tabandylyqty tileımin, – dedi ol.
Qyzylorda oblysyndaǵy alǵashqy kondıter ónimderin daıyndaıtyn dúkender jelisiniń negizin qalaǵan, orda buzar otyzdaǵy oǵlan Aıdos Saılyǵaraevtyń da jastarǵa aıtary kóp boldy.
Ákesinen erte aıyrylǵan Aıdos taǵdyr tezine túsip, sharbolattaı shıryǵyp shyǵypty. Búginde respýblıkaǵa ataǵy ketken «Braýnıs» kondıter dúkender jelisiniń jumysyn jolǵa qoıǵan jalyndaǵan jas jigit osynaý jetistigine bilim men eńbekqorlyǵy jetkizgendigin aıtady.
Jetistikke jetý tek eńbekqorlyqpen ǵana ólshenbeıdi. Aıdos Saılyǵaraev kondıter ónimderin daıarlaýda Túrkııa kásipkerlerimen tyǵyz baılanysta bolyp, aspazdarynyń biliktiligin arttyrý úshin áriptestik qatynas jasaǵandyǵyn jetkizdi. Túrkııa – kýrortty aımaq. Shetel saıahatshylary jyldyń tórt maýsymynda úzilmeıdi.
Sondyqtan da, Túrkııa aspazdary óz salalary boıynsha álemde úzdikter qatarynan kórinýge tyrysady. Endi olardyń baı tájirıbesi Qazaqstan paıdasyna jarap jatyr. Kezdesýde Aıdos óz kásibin ashqysy, kásibı sheberligin arttyrǵysy keletin jastardyń suraqtaryna jaýap berip, jınaqtaǵan tájirıbesimen bólisti.
Al Symbat Ábdirahmanova birneshe tildi meńgergen, pedagog-psıholog. Ol qazirgi tańda IýNISEF-tiń jasóspirimder arasyndaǵy sýısıdtiń aldyn alý jobasy boıynsha birneshe ǵylymı maqalalar jazyp, ádistemelik qural daıyndaǵan. Sondaı-aq aımaqta mektep bitirýshilermen túrli psıhologııalyq trenıngter ótkizip, jasóspirimder arasyndaǵy qylmystyq oqıǵalardyń aldyn alýǵa kómektesip keledi.
Symbat eshqandaı qarjy qajet etpeıtin mýltfılmder daıyndaýmen aınalysady. Ásirese til múkistigi bar balalarǵa arnalǵan mýltfılmderin mamandar sabaq barysynda paıdalanyp júr. Ol 2018 jyly Qyzylorda qalasynyń 200 jyldyq mereıtoıyna arnap, «Sıqyrly kilt» mýltfılmin daıyndady. Budan bólek, Symbattyń birneshe mýltfılmderi oblystyq, respýblıkalyq «Balapan» telearnasynan berilip keledi.
– Adamnyń armany naqty bolýy kerek dep oılaımyn. О́ıtkeni men únemi naqty nárselerdi armandap, ony maqsatyma aınaldyrdym. О́mirimde parsy tilinde qaı eldiń sóıleıtinin bilmeıtin jasymda osy tildiń mamany bolý úshin memlekettik grant ıegeri atandym. Qazirgi tańda parsy tili boıynsha elimizdegi sanaýly aýdarmashylardyń qataryndamyn. Jastarǵa aıtarym, sizder eshqashan óz armandaryńyzǵa jetý úshin jalyqpaı eńbek etýden sharshamańyzdar. Maqsatqa jetý jolynda túrli qurbandyqqa barýǵa týra keledi. Qydyrýdan bas tartyp, toılarǵa barmaı qalýyńyz múmkin. Esesine qoǵamǵa paıdaly is jasaıtynyńyzdy umytpańyz. Osy joba jeńimpazdarynyń ishinde 18-19 jasar jigitter bar. Olardyń jetistikterin kórgende, ózimniń osy ýaqytqa deıin bos ketken ýaqytymdy oılap ókindim. Sondyqtan adam ómiriniń kóktemi sanalatyn jastyq shaǵyńyzdy ókinbesteı ótkizińizder, – dedi Symbat.
Qazaqstan – úlken múmkindikterdiń bastaýynda turǵan memleket. Bilimińdi jetildirip, óz kásibińdi asham deseń qolbaılaýlar joqqa tán. Tek, maqsat jolynda azdaǵan qıyndyqtardan qorqyp, orta joldan tastap ketýge bolmaıdy. Elimizde qaı kásippen aınalysqyń kelse de jigerińdi janyp, kúshińe kúsh, yntańa qoldaý kórsetetin memlekettik baǵdarlamalar bar. Tek, dittegen bıigińe jetpeı toqyrap qalma.
«TedTalks» formatynda ótken kezdesý aldaǵy ómirim qalaı bolady dep tolǵanyp júrgen jastar úshin temirqazyq bolǵany anyq. Kóz aldynda suhbat berip otyrǵan aǵa-ákpeleri keshe ǵana ózderindeı jas bolǵan. Olar respýblıkada moıyndalǵan jetistikterine óz bilimi, eńbekqorlyǵymen jetti.
Kezdesýge kelgen jastar ózderin tolǵandyrǵan suraqtaryna jaýap taýyp, qanattanyp qaıtty.
Qyzylorda oblysy
