«Bolashaq» korporatıvtik qorynyń «О́zińnen basta» jobasy aıasynda Disney ónimderin qazaq tilinde dýblıajdaý jumysy elimizde 2011 jyldan beri júzege asyp keledi. «Arystan patsha» mýltfılmi atalǵan joba aıasyndaǵy 31-shi týyndy.
«BI Group kompanııasynyń demeýshiligimen jáne Nur Otan partııasy men Almaty qalasy ákimdiginiń qoldaýymen júzege asyrylǵan kezekti týyndymyz búginnen bastap kórermenge jol tartty. Bul «О́zińnen basta» jobasy aıasyndaǵy 31-shi kórinis. Qazaq kórermenin qyzyqty qazaqsha remeıktermen qýanta beremiz. «Bolashaq» korporatıvtik qory men BI Group kompanııasy Walt Disney Pictures, Pixar jáne Sony Pictures kompanııalarynyń taǵy 7 fılmin dýblıajdaýǵa 2020 jylǵa arnalǵan memorandýmǵa qol qoıdy», dedi «Bolashaq» korporatıvtik qory qamqorshylyq keńesiniń tóraǵasy D.Chaıjýnýsova.
Fılmdegi keıipkerlerdi qazaqsha sóıletýge otandyq kıno jáne teatrdyń jetekshi akterleri tartylǵan. Atap aıtar bolsaq, Mýfasa beınesin QR eńbek sińirgen qaıratkeri, rejısser Bekbolat Qurmanǵojaev qazaqshalasa, Sarabıdi kıno jáne teatr aktrısasy Altynaı Nógerbek, Shenzıdi jas aktrısa Saıa Toqmanǵalıeva, Rafıkıdi QR eńbek sińirgen qaıratkeri, akter Bolat Ybyraev, Pýmbany akter Jánibek Musaev, Tımondy teatr jáne kıno akteri Dáýren Serǵazın dybystady. Bala Sımbany – Beknur Ybyraı, eresek Sımbany – Oljas Jaqypbek qazaqshalady. Sol sııaqty Nalanyń bala kúnin – Dınar Qaldybek dybystasa, eresek kúnin Naýryz Sabaǵatova qazaqsha sóıletken. Dýblıaj rejısseri – Shah-Murat Ordabaev, mýzykalyq redaktor – Ánel Tokırova.
Fılmdegi basty saýndtrekti tanymal qazaqstandyq ánshi Marjan Arapbaeva oryndaǵan. Al ánshi Beıonse oryndaǵan arystan Nalanyń «Alǵa» ánin «X-Factor» jobasynyń jeńimpazy Darııa Gabdýll shyrqady. Fılmniń kastıngine Nur-Sultan jáne Almaty qalalarynan 50-den asa akter qatysqan.
Eske sala keteıik, «О́zińnen basta» jobasy aıasynda qazaq tiline Gollıvýdtyń 31 kınotýyndysy dýblıajdaldy. Olardyń ishinde «Tachkı-2», «Mstıtelı-2: Era Altrona», «Hrabraıa serdsem», «Taına Koko», «Moana», «Malefısenta», «Aladdın», «Istorııa ıgrýshek-4» jáne t.b. fılmder bar.
